Регион
Ненад Периш: Матеј ја заврши својата приказна на земјата – утре резултати од обдукцијата
Утре, треба да има резултати од обдукцијата на телото, кое денеска беше пронајдено во водите на Дунав, а се претпоставува дека се работи за Хрватот Матеј Периш.
„Телото што денеска беше пронајдено во водите на Дунав ќе биде однесено на обдукција, каде што во согласност со процедурата ќе се направи обид да се утврди причината за смртта, како и да се утврди дали Матеј исчезнал“, рече началникот на Управата за криминалистичка полиција, Антонио Геровац.
Ќе видиме со српската полиција какви дејства треба да се преземат и дали тоа ќе биде возможно.
„Сѐ зависи од тоа од каков генетски материјал ќе биде направена ДНК – крв, меко ткиво, коски. Од тоа зависи и времетраењето на анализата. Допрва треба да се утврдат сите околности за откривањето на телото. Телото, најверојатно, ќе остане во Белград до петок. Резултатите од обдукцијата треба да се знаат утре. Првин семејството ќе дознае дали е Матеј“, додаде Геровац.
Таткото на Матеј во изјава за ХРТ рече дека долгоочекуваната вест е многу тешка и болна.
„Ја чекавме веста, ја чекавме вистината и таа вистина излезе таква каква што е, болна, тешка“, рече Ненад Периш откога српското МВР го известило дека е пронајдено тело на маж во Дунав, чија облека одговара на таа што ја носеше син му Матеј, кој исчезна во Белград на 30 декември 2021 година.
„Иако се случи разделбата, надежта дека повторно ќе се сретнеме никогаш нема да престане да биде таму“, рече Ненад Периш и им се заблагодари на сите што помогнаа да се открие вистината.
Тој во интервју за РТЛ додаде: „Матеј ја заврши својата приказна на оваа земја“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.