Регион
Новите црногорски лидери ветија: Нема да ги менуваме симболите и надворешната политика на земјата
Лидерите од трите коалиции, кои освоија мнозинство на изборите во Црна Гора, денеска потпишаа постизборен договор ветувајќи дека новата влада нема да поведе иницијативи или процедури насочени кон промена на црногорските државни симболи или промена во целите на надворешната политика на земјата.
„Ова е направено во интерес на сите граѓани на Црна Гора, без оглед на вера, нација, политичка припадност… Ние сакаме да ги почитуваме сите права на граѓаните, а особено основните – нивната слобода“, рече Здравко Кривокапиќ, лидер на коалицијата „За иднината на Црна Гора“, во која се обединeти просрпските партии во Црна Гора и која има поддршка од Српската православна црква.
Лидерот на коалицијата „Мирот е наша нација“, Алекса Бечиќ, нарекувајќи го договорот историски, рече дека ова е најдобриот одговор на сите обиди за подметнувања, манипулација, создавање тензии и поделби за да се потврди дека новата демократска влада ќе биде проевропска, прозападна, процрногорска и граѓанска.
„Владата ќе биде подготвена да им служи исклучиво на Црна Гора и нејзините граѓани. Нема промена, само зајакнување на надворешнополитичкиот пат на Црна Гора“, рече Бечиќ.
Дритан Абазовиќ од коалицијата „Црно на бело“ смета дека експертската влада, која ќе ја формираат овие три коалиции, ќе има поддршка од меѓународната заедница и ќе треба да се справи со тешката економска состојба во Црна Гора.
Инаку, во договорот се вели дека новата демократска влада целосно ќе ги деполитизира клучните владини институции со цел да обезбеди бескомпромисна борба против криминалот и корупцијата. Исто така, владата се обврзува дека ќе го почитува Уставот и во овој поглед нема да поведува никакви иницијативи или постапки со цел промена на државното знаме, грб и химна.
Коалициите во договорот се обврзале и да не поведат постапка за повлекување на признавањето на независноста на Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.