Регион
Објавена листа на косовската тајна служба на осомничените за воени злосторства
Приштинскиот дневен весник Bot Sot објави во петокот листа од припадниците на Разузнавачката служба на Албанците од Косово (SHIK), која по војната во оваа поранешна српска покраина од 1998/1999 била под контрола на владејачката Демократска партија на Косово (PDK) на актуелниот претседател Хашим Тачи, а листата според извештајот може да послужи за процесуирање на сторители на воени злосторства.
Во Белград медиумите веднаш реагираа дека оваа листа би требало да послужи како конкретен доказ за Специјалниот суд за процесуирање на поранешни членови на поранешната Ослободителна војска на Косово (ОВК – UCK) кои извршиле воени злосторства во текот на вооружените судири и по нивното завршување.
Весникот Bota sot наведува дека листата со имињата и детални информации за припадниците на SHIK ја составиле припадниците на меѓународните мировни сили KFOR. Овие податоци беа и претходно објавувани, последен пат во мај 2014 година, а според меѓународниот фактор треба да придонесат за расветлувања на убиства, насилства и злосторства во текот на 1998 и 1999 година на Косово.
Се очекува испитувања на бројни сведоци на судењето за воени злосторства сторени меѓу Албанците. Поранешниот припадник на оваа служба, Назим Блаца признал дека PDK организирала групи за ликвидации на противниците на партијата којашто од основањето ја предводи косовскиот претседател Хашим Тачи. Него на позицијата претседател на партијата го наследи Кадри Весели, претседател на косовскиот парламент и наводен водач на илегалната организација SHIK.
На списокот има повеќе од 150 имиња од сите делови на Косово. Покрај, Весели кого весникот го пишува под прекарот Љуљи, кој е означен како директор на SHIK, се и Рахман Рама, поранешен командант на Косовскиот заштитен корпус (КЗК), Фатмир Љимај, еден од регионалните команданти на ОВК, Сулејман Селими, командантот на главниот штаб. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.