Регион
Педофилот и ја потстрижал косата на Моника и ја тепал
Моника Каримановиќ (12) е задржана на Детска хирургија во Клиничкиот центар во Ниш. Како што дознава „Новости“, таа се чувствува добро. Пронајдена е во селото Пасјача, во напуштена куќа.
Кога се појавија првите фотографии, девојката се виде дека е исцрпена и потстрижeна.
„Таа е ментално стабилна, но се забележува дека има бројни модринки и подливи. Кога пристигна, беше видно вознемирена, но нејзината баба и родителите сега се со неа. Се гледа дека злосторниот и ја потстрижал целата коса“, вели за „Новости“ извор близок до семејството.
Моника исчезна на 20 декември на пат до училиште. Полицијата и војската со денови трагаа по киднаперот и девојчето. Таа беше пронајдена денеска попладне, додека киднаперот е во бегство и со себе носи нож, пишуваат српските медиуми.
Таа беше киднапирана од Нинослав Јовановиќ, познат како ’берберот од Малчан’, околу 7:30 часот на 20 декември, додека таа одела на училиште. Јовановиќ работел на неколку работни места во една од куќите во Сув Дол и веројатно со денови ги следел нејзините движења. Откако украл автомобил, сиво „пунто“, тој го киднапирал детето додека одело на училиште.
Во деветдневна потрага на полицијата, се вклучи и војската и граѓаните, кои ја пребаруваа секоја куќи и подрум во околината, влегоа во стотици напуштени домови каде киднаперот би можел да го крие девојчето. На многу места, Јовановиќ оставил траги како што се отпадоци од храна и облека.
Моника и киднаперот цел ден биле во бегство, јавуваат белградските медиуми. Насилникот го терал девојчето да пешачи, поради што поминале многу километри. Се проценува дека таа пашачела четири часа без никаков одмор.
Полицијата го лоцираше Јовановиќ во моментот кога го вклучил мобилниот телефон, кој изминативе денови му бил исклучен. Јовановиќ, според сознанијата, тргнал со киднапираното девојче кон Ниш, а тогаш сфаќајќи дека полицијата го лоцирала во околината на селото Пасјача, го пуштил девојчето кое што го држеше во заложништво девет дена.
Тој е осудуван за силување и педофилија. Своите жртви најпрво ги стрижел, а потоа ги силувал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.