Регион
Полицаец трчаше маратони за да собере пари за болно момче во Хрватска
Кристијан Српак, шеф на полицијата во ПУ Меѓумурје, е голем љубител на спортот, особено на фудбалот и трчањето, учествуваше во голем број хуманитарни трки и во ниеден момент не се двоумеше да му помогне минатата година на 8-годишниот Иван Сабол од Паловац кога дозна за хуманитарната акција „Да му помогнеме на Иван“.
Policajac Kristijan trčao za bolesnog dječaka Ivana (9) i prikupio 80.000 kn: 'Sve me boljelo, ali sam bio odlučan'
Gepostet von 24sata am Mittwoch, 16. Januar 2019
На семејството на момчето му беа потребни пари за да ги покрие трошоците пред, за време и по трансплантацијата на бубрег во Падова.
Иван се бори за животот уште од раѓањето. Кога имал една и пол година, на момчето му биле дијагностицирани хронична бубрежна инсуфициенција и болеста меки коски, односно деформација на рацете и нозете. Благодарение на годинашната трансплантација на бубрег, дониран од мајка му Кристина, извршена во февруари во Падова, Иван конечно се ослободи од дијализата.
„Минатата година седев со пријателите во едно кафуле, а со нас беше и приватниот претприемач Златко Ѓуркин. Слушнав за болеста на Иван и дека бара помош, па одлучив со трчање да соберам пари, односно претрчаните километри да ги претворам во донација. Се договорив со Златко дека секој мој претрчан километар ќе го стимулира со 100 куни и ќе го уплати на сметка на хуманитарната акција ‘Да му помогнеме на Иван’. За мене, тоа беше начин да му помогнам на Иван, но исто така и предизвик. Целиот живот го посветив на фудбалот и од тогаш веќе 5 пати ги имав оперирано колената. Не бев сигурен дали воопшто ќе го издржам тоа, но бев решен да му помогнам на Иван. Тоа беше мојата прва трка по седум месеци од мојата операција. Истрчав два полумаратона од по 21.200 метри и неколку трки од 10.000 метри. За помалку од два месеца истрчав 70 километри и така набрзина собрав над 7.000 куни, кои пријателот Ѓуркин ги уплаќал на сметката на Иван“, изјави 43-годишниот татко на три деца, кој собрал 80.000 куни.
Во неговата акција го поддржале колегите од ПУ Меѓумурје, а потоа и голем број луѓе од сите делови на Хрватска, но и Австрија, Германија, Србија, кои сакале да му помогнат на Иван. Семејството на Иван го помина целиот живот со него во болниците.
Дури и сега, кога хуманитарните донации за момчето се завршени, Кристијан го посетува многу често и му помага на семејството колку што може. Тој не ни помислува да се откаже од трчањето и од трките што ги планирал иако по секоја трка, поради болните колена, тој одвај одел.
Кога Иван се врати дома од операцијата, Кристијан му вети дека заедно ќе трчаат на полумаратонот во април минатата година и дека ќе добие медал и со тоа ќе ја круниса оваа акција. Тој го стави Иван во инвалидска количка и последните 7 километри го туркаше во инвалидска количка и победи. Момчето беше воодушевено од медалот. Иако го реши здравствениот проблем со трансплантација, го очекуваат уште операции и долго закрепнување поради брановидните коски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.