Регион
Поради коронавирусот, Орбан доби нови големи овластувања на неограничено време
Унгарскиот премиер, Виктор Орбан, во понеделникот си обезбеди вонредни овластувања со неограничено времетраење бидејќи парламентот со повеќето пратеници од неговата партија го прифати т.н. короназакон, кој е критикуван од опозицијата и групите за човекови права.
Во деценијата во која е на власт Орбан постојано ги зголемува своите овластувања, а со најновиот закон собранието го потврди продолжувањето на вонредната состојба, без јасно да го наведе нејзиното траење, што ќе му овозможи на премиерот во текот на епидемијата да владее со извршни уредби, пренесува „Ројтерс“.
Законот, изгласан со 137 гласа „за“ и 53 „против“ предвидува до пет години затвор за ширење лажни вести за вирусот или владините мерки, а нејчесто цел на вакви обвинувања се денеска ретките независни медиуми во Унгарија, пренесува „Франс прес“.
Преку оправдување со епидемијата на коронавирусот, националконзервативната влада донесе закон за контрола на земјата, велат критичарите во Унгарија и во странство.
Законот е претеран одговор на кризата, смета опозицијата, а некои опозициски пратеници го нарекоа државен удар или пат до диктатура.
Независниот пратеник Акос Хадхаз го нарече нацрт-законот стапица за опозицијата која владата ја обвинува дека стои на страната на вирусот.
Девет организации за слобода на медиумите ги повикаа лидерите на ЕУ да го осудат законот, кој, како што велат, ги задушува основните права и слободите на медиумите.
„Неограничена и неконтролирана вонредна состојба не може да гарантира почитување на основните принципи на демократијата“, реагира Советот на Европа, најстарата и водечка европска организација за човекови права, предупредувајќи дека законот нема временски рок.
Но, владиниот портпарол Золтан Ковач тврди дека законот сепак е временски ограничен затоа што парламентот може да го укине како и самата пандемија за која, како што рече, искрено се надеваат дека еден ден ќе заврши.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.