Регион
Ништо не е ни готово ни исклучено кога е во прашање Косово, е пораката од САД
Ништо не е ни готово ни исклучено, па дури ни промена на границите кога е во прашање Косово, вели Мајкл Карпентер, поранешен претставник на Пентагон.
Карпентер, поранешен советник и поддржувач на Џозеф Бајден и експерт за Балканот, рече дека Вашингтон ќе го аминува секое решение за кое се договориле Србите и Албанците истакнувајќи дека во тоа нема црвени линии и дека сè зависи од Белград и Приштина, пренесува „Танјуг“.
Според Карпентер, ЕУ, Америка и ОН ќе поддржат одржлив договор. Тој го пренесе личниот став дека и демократите и републиканците во Конгресот се цврсто обединети во поддршката за независно Косово.
„Значи, тоа нема да се промени. Мора креативно да размислуваме како да се постигне тоа. Мислам дека статус кво е одржлив“, рече тој додавајќи дека двете страни сакаат резолуција која ќе им овозможи на Србија и Косово да живеат во мир и просперитет.
Карпентер оцени дека што и да успеала демократската администрација, сегашната ќе мора да биде покреативна и добро да размисли како да ги поттикне двете страни да постигнат договор кој ќе биде прифатлив за мнозинството Срби и за косовските Албанци.
„Тоа вклучува давање идеи за стабилизациски фонд“, додава тој.
Карпентер не би сакал да исклучи ниедна можност, па ни промена на границите, но напоменува дека клуч е одржливоста на договорот што го поддржуваат мнозинството граѓани како во Србија така и во Косово.
„Ако внатрешните актери не ја поддржуваат резолуцијата во целост, тогаш без оглед на тоа што мислат надворешните актери, тоа нема да функционира. Трајната резолуција бара широка поддршка од двете страни“, посочи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Атина во густ облак од прашина и песок од Сахара
Главниот град на Грција, Атина, се најде во облак од прашина и песок од пустината Сахара и Северна Африка, феномен кој е проследен со особено високи температури.
Воздухот во градот треба да се подобри од утре наутро, велат метеоролозите.
„Во пролетта, март-април, циклоните, кои се движат кон исток по северноафриканскиот брег, носат прашина кон источниот Медитеран. Типична песочна бура со домет од 200 километри носи од 20 до 30 милиони тони прашина, понекогаш и до 100 милиони, објаснува директорот на грчката метеоролошка служба Теодорос Колидас.
Главниот град често се наоѓа на патот на тие песочни бури, но оваа година беше проследен со особено високи температури, поради што е речиси невозможно да се дише.
Во центарот на Атина на 27 март беа забележани 25,3 степени Целзиусови, што е рекорд од март 2009 година, а на Крит температурите достигнаа и до 32 степени, истакнаа грчките метеоролошки служби.
Сојузот на пулмолозите на Грција препорача најранливите групи на населението, особено луѓето кои страдаат од астма, да избегнуваат „непотребни движења и спортови на отворено кога концентрациите на прашина се највисоки“.
„Африканската прашина носи честички кои можат да се интегрираат со полен, бактерии и габи, создавајќи многу токсична и опасна смеса за човечкото тело, а особено за респираторниот систем“, предупредува здружението.
Регион
Родителите на двегодишната Данка во полиција во Бор: мајката одбила полиграф
Родителите на исчезнатата двегодишна Данка Илиќ се донесени во полициската станица во Бор, објави „Телеграф.рс“.
Тие не се осомничени, но со нив се врши информативен разговор.
Ивана и Милош вчера дадоа исказ во присуство на Центарот за социјална работа.
Како што објави српски „Телеграф“, мајката го одбила полиграфскиот тест бидејќи е бремена.
„Девојчето Данка Илиќ сè уште не е пронајдено. Апелираме до сите луѓе да не објавуваат информации што не се проверени. Со тоа се нарушува и се загрозува истрагата, во која е инволвиран и Одделот за криминалистичка полиција“, изјавиле за „Телеграф.рс“ од српската полиција.
Регион
Дачиќ: Србија не е експериментално тело па на неа постојано да се крши меѓународното право
Министерот за надворешни работи и претседател на Социјалистичката партија на Србија, Ивица Дачиќ денеска изјави дека е срамно што Комитетот за политички прашања на Советот на Европа (СЕ) ја прифати препораката дека Косово ќе биде примено во Советот на Европа, и дека е спротивно на сите принципи на кои почива таа организација и посочи дека Србија не е „експериментално тело“ па на неа постојано да се крши меѓународното право.
„Првпат се препорачува членство на територија која не е меѓународно признаена, која не е членка на ОН. За да се постигне тоа се обидуваат да најдат оправдување и да кажат дека тоа не го прејудицира статусот, а потоа во втората реченица велат дека тогаш ставот на СЕ престанува да биде статусно неутрален“, рече Дачиќ.