Регион
Ситуацијата на Косово мирна, за попладне е најавен протест
Ситуацијата во Косовска Митровица, по акцијата на РОСУ, утринава е мирна, јавува „Танјуг“.
Еден ден по упадот на специјалците на северот на Косово, на главниот плоштад во Северна Митровица на пладне ќе биде одржан протест на Србите. Претседателот на Српската листа, Горан Ракиќ, за РТС изјавил дека целта на протестот е да покаже единство и дека Србите сакаат мир.
„Сакаме да им покажеме на Приштина и на меѓународната заедница колку нè има и дека не нè исплашија акциите на РОСУ и специјалните сили, дека ќе останеме и дека ќе ги браниме своите домови“, рекол Ракиќ.
Најави дека ќе го активира кризниот штаб и дека ќе донесуваат одлуки од минута во минута.
Специјалната единица на косовската полиција вчера упадна на територија на сите четири општини со мнозинско српско население на северот на Косово и Метохија со образложение дека станува збор за акција против организиран криминал. Косовската полиција соопшти дека во акцијата се уапсени 19 полицајци, меѓу кои 11 Срби и по четири Албанци и Бошњаци.
Од Обвинителството во Приштина соопштија дека не се уапсени сите осомничени и дека се очекува акцијата да продолжи.
Адвокатот на еден од уапсените рекол дека кон неговиот клиент е користена прекумерна сила, дека има повреди по рацете и главата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.