Регион
Словенечки министер тврди: Порачавме три милиони маски, но нѐ измамија
Словенечкиот министер за одбрана Матеј Тонин изјави дека заплетот во врска со околу 3 милиони заштитни маски нарачани од државата, кои требало да пристигнат во камион преку Италија, е класична измама.
„Се изгуби секоја трага од товарот и полицијата откри дека станува збор за класична измама“, рече Тонин на прес-конференција во Љубjљана и продолжи:
„Ни беше ветена испорака на маски и министерот за економија Здравко Почивалшек беше во контакт со возачот. Вчера во 14:30, возачот рече дека е на царина, подоцна кажа дека ќе полни гориво, по што изгубивме контакт со него“, рече Тонин.
Тој додаде дека словенечката полиција утврдила дека станува збор за класична измама, која тој сега ќе се третира како приоритет кај властите.
Маските биле нарачни од компанијата „Глобал промет“, чиј директор е Емир Беговиќ од БиХ, но се покажало дека се работи за фиктивен бизнис и класична измама и дека никогаш немало организиран транспорт, ниту пак маски, објасни словенечкиот министер.
Тој додаде дека неточна е вчераобјавената информација оти непостоечките маски биле однапред платени по цена од 10 милиони евра и дека во тој поглед нема никаква штета.
„Маските и другата опрема потребна за болниците и другите институции за време на епидемијата од коронавирус се нарачуваат по точно одредени цени и се плаќаат по испораката“, кажа Тонин.
Тој претходно соопшти дека состојбата со опрема и заштитни средства во словенечките болници е критична.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Полицаец од Бор е приведен поради давање информации за исчезнувањето на девојчето
Полицаец од Бор е приведен поради давање информации од истрагата за исчезнувањето на девојчето Данка Илиќ (2).
Не се знае за какви информации станува збор и кому полицаецот ги дал, но се работи за информации од истрагата кои евентуално би можеле да ја загрозат.
Се уште трае потрагата по двегодишното девојче Данка Илиќ од околината на Бор, чие исчезнување беше пријавено во вторникот.
Се претресуваат куќи и населба, се расчистува дворот.
Две специјалистички екипи за спасување од урнатините од Белград и Нови Сад започнаа детално пребарување на просторот околу куќата, соопшти полицијата.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.