Регион
Словенија влезе во трета блокада поради пандемијата на коронавирусот
Словенија денес влезе во својата трета блокада за нешто повеќе од една година, која ќе трае до 11 април.
Исклучок е времето на велигденските празници кога членови на две домаќинства ќе може да се посетуваат едни со други.
Училиштата повторно ќе се префрлат на олајн-настава, а градинките ќе обезбедат грижа само за децата чии родители работат во сектори од клучно значење, пренесува словенечката агенција СТА.
Маските за лице повторно ќе бидат задолжителни на отворено, освен за време на рекреација во природа.
На луѓето ќе им биде забрането да го напуштаат својот регион, со исклучоци, како што се одење на работа, обезбедување помош или учество во дипломатски мисии.
Директната продажба на стоки и услуги на потрошувачите ќе им биде забранета, со исклучок на продавниците за храна, аптеките и цвеќарниците.
Забраната за собирање ќе биде во сила, а на луѓето ќе им биде дозволено да се дружат само со членови на своето домаќинство.
Сите прослави ќе бидат забранети, а полицискиот час од 22 до 5 часот ќе остане во сила.
Музеи, галерии, библиотеки и архиви исто така ќе бидат затворени денес, настаните се откажани во наредните 11 дена, а верските церемонии ќе се одржуваат без присуство на верници.
Велигденската недела, која се слави на 4 април, ќе биде исклучок, а луѓето ќе може да патуваат во земјата за да го посетат семејството.
Максимум две домаќинства ќе може да се дружат, но вкупниот број луѓе постари од 15 години не смее да надмине шест.
Христијаните во Словенија ќе го прослават Велигден среде низа ограничувања поради коронавирусот бидејќи од 1 до 11 април се воведува строга блокада, а сите верски служби се одржуваат без верници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Регион
Девојка што исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.
Регион
Во БиХ уапсени 14 шверцери, превезувале мигранти во Хрватска, заработиле 3 милиони евра
Припадниците на Граничната полиција на Босна и Херцеговина уапсија 14 лица под сомнение дека организирале мрежа на криумчари на илегални мигранти преку границата со Хрватска. Акцијата под кодното име „Пирамида“ координирана од Обвинителството на БиХ беше спроведена на 16 различни локации низ земјата.
Како што беше утврдено во досегашната истрага, уапсените организирале илегално преминување на границата на најмалку 600 лица, од кои стотина се деца.
„Според прелиминарните податоци, оваа меѓународна организирана криминална група во изминатите шест месеци остварила финансиска корист од повеќе од шест милиони конвертибилни марки (три милиони евра)“, се вели во полициското соопштение.
Разбивањето на оваа мрежа на трговци со луѓе беше спроведено заедно со Управата за криминалистичка полиција на МВР на Република Хрватска и Европол и со учество на припадници на Агенцијата за разузнавање и безбедност на Босна и Херцеговина (ОСА).
Граничната полиција на БиХ наведува дека продолжува да презема мерки за спречување на шверцот на луѓе, особено против организираните криминални групи. Потсетуваат дека во првите три месеци од годинава полициски службеници и граничари до обвинителството поднеле 83 пријави против 177 лица поради постоење основи на сомнение дека сториле 110 кривични дела криумчарење луѓе.