Регион
Словенија ги ограничи собирите, епидемиолозите се жалат на однесувањето на младите
Поради растот на случаи на коронавирус, словенечката влада денеска ги ограничи јавните и приватните собири на максимум десет лица, а повеќе од тоа ќе биде дозволено само со евиденција на учесниците, рече владиниот портпарол за Ковид-19, Јелко Кацин.
Говорејќи на прес-конференција, тој нагласи дека ова се однесува на јавни и приватни простори, но дека под посебни услови ќе може да се соберат до 50 лица доколку организаторот добие дозвола и обезбеди информации со имињата, местата на живеење и телефонските броеви на учесниците.
Евиденцијата би се чувала со можност да се користи во рок од максимум еден месец, така што епидемиолозите би можеле полесно да пронајдат и изолираат контакти во случај кога од ваквите собири би се идентификувло лице позитивно на Ковид-19, додаде Кацин.
„Владата најмногу се плаши од приватните забави и од големите собири, а особено сме загрижени за можните последици од излетите на матурантите, па затоа се обидуваме преку нивните родители да влијаеме тоа да се сведе на минимум“, рече портпаролот.
Словенечките епидемиолози сè повеќе предупредуваат за неодговорното однесување на помладата генерација, бидејќи тестовите потврдуваат дека меѓу новозаразените, за разлика од почетокот на епидемијата, повеќето се млади луѓе кои премногу слободно се однесуваат и иако имаат поблаги симптоми, тие можат да го пренесат вирусот на постарите лица, за кои истиот е проблематичен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие кои имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира брзо, изјави за Телеграф.рс Марко Ницовиќ, поранешен началник на белградската полиција.
Според Ницовиќ, полицијата оди во добра насока, бидејќи ја чешла секоја педа од земјата, но се надеваат и дека темелно се проверуваат граничните премини, бидејќи не ја исклучуваат можноста за киднапирање.
– Би можело да биде се, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата, вели Ницовиќ за српски Телеграф.
Да потсетиме, потрагата по двегодишната Данка Илиќ влезе во четврти ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде последен пат беше видена исчезнатата Данка по која трага цела Србија пристигна тешка механизација која ќе продолжи да работи денес за да се расчисти теренот.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.