Регион
Словенија го скрати карантинот од 14 на 10 дена
Од денеска карантинот во Словенија е скратен од 14 на 10 дена за патниците кои доаѓаат од земји со висок ризик, како и за луѓето кои биле во контакт со заразени лица.
Одлуката беше донесена претходно оваа недела врз основа на препораките на кризниот штаб, кој признава дека ризикот може да биде поголем, но оти товарот врз економијата ќе се намали.
Епидемиолозите наведуваат дека кај повеќето од оние кои се разболуваат, тоа се случува во рок од десет дена по изложувањето на вирусот.
Потегот на словенечките власти ја рефлектира дебатата што се води низ целата Европска унија, каде што во некои земји карантинот е веќе скратен, додека други размислуваат да го сторат тоа.
На недамнешниот состанок на министрите за здравство на ЕУ, беше постигнат поширок консензус по препорака луѓето што доаѓаат од области со висок ризик да поминат десет дена во карантин.
Доколку тестот е негативен, тој период може да се скрати на пет дена, но сè уште не е постигнат договор таквата препорака да биде усвоена на ниво на ЕУ.
Во Словенија, над 100 нови случаи на инфекција се потврдени во претходните два дена, најмногу од почетокот на пандемијата. Според последните податоци, во Словенија досега биле заразени 3.603 лица со коронавирусот, а 135 починале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ во ОН: Курти денес не е во Њујорк оти води тајна кампања во Северна Македонија
За време на седницата на Советот за безбедност на Обединетите нации посветена на шестмесечниот извештај на генералниот секретар на ОН Антонио Гутереш за работата на УНМИК, српскиот претседател Александар Вучиќ го обвини лидерот на движењето Самоопределување, Аљбин Курти за мешање во внатрешните работи на Македонија.
Вучиќ истакна дека Курти не бил присутен на седницата во Њујорк бидејќи бил зафатен со водењето на изборната кампања на неговата партија во соседна држава.
Вучиќ изрази изненаденост од тоа што, според него, најпопуларен политичар во Македонија е претседателот на Србија, иако нема кампања во таа земја.
Тој посочи дека како претседател на Србија се извинува за постапките на, како што го нарече, српскиот граѓанин Аљбин Курти и истакна дека мешањето во внатрешните работи на Северна Македонија не е политика на Србија, туку постапка на неодговорен граѓанин.
Регион
Уапсена државјанка на Јужна Африка, осомничена дека ја убилa мајка си во Црна Гора
Јужноафриканска државјанка е уапсена под сомнение дека утрово ја убила својата мајка во Пераст.
Полициската управа соопшти дека медицинскиот персонал на Здравствениот дом во Котор пријавил во полиција дека во станбена зграда во Пераст е пронајдено безживотно тело на жена, а таму била пронајдена и нејзината ќерка Н.Л.Т., пренесува Вијести.
„Полицијата излезе на местото на настанот каде е утврден идентитетот на починатата, а преземени се мерки и дејствија за утврдување на фактите и околностите под кои настапила смртта“, се вели во соопштението на полицијата.
Оттаму додаваат дека увид на лице место е извршено во присуство на обвинител од Вишото државно обвинителство во Подгорица, како и службеник од Центарот за судска медицина.
„По преземени сеопфатни истражни дејствија, припадниците на полицијата дошле до сомнение дека сторител на ова кривично дело е Н.Л.Т. и таа е лишена од слободата.
Регион
Османи: Белград ја спречува интеграцијата на Србите во институциите на Косово
Косовската претседателка Вјоса Османи упати низа обвинувања за Србија на седницата на Советот за безбедност (СБ) на Обединетите Нации (ОН) посветена на Косово.
Османи обвини дека Белград ја спречува интеграцијата на Србите во институциите на Косово.
Таа изјави дека Србија ја заплашува српската заедница на северот на Косово, а како пример го наведе неодамнешното апсење на косовски полицајци во Србија, пренесува „Радио Слободна Европа“.
Османи обвини и оти Србија претходните денови на граница задржувала автобуси со патници од албанска националност.
Владата на Косово претходно овие постапки ги оцени како одмазда на Србија за поддршката дадена од Парламентарното собрание на Советот на Европа за членството на Косово во оваа организација.
„Србите во Косово се под притисок, но од страна на властите во Србија“, рече Османи.