Регион
Со вжештен предмет ги жигосал училишните другари во Хрватска
Во Економско-биротехничката и трговска школа во Задар еден ученик од прв клас во средното училиште буквално жигосал една ученичка и еден ученик со вжештен предмет во форма на буквата „У“.
На насилникот не му било доволно што ја жигосал девојката, туку и ѝ испраќал пораки во кои ѝ се заканувал со смрт, а нејзиниот татко тврди дека ја претепал и неговата друга ќерка, според Индекс.цом.
„Моето дете е под стрес. Денес воопшто не отиде на училиште бидејќи и синоќа доби заканувачки пораки во кои ѝ се заканува со смрт”, рече таткото на тинејџерката, Адем Шала.
Исто така кажа дека полицијата била запознаена со случајот и дека училиштето не презело никакви мерки.
„Тоа момче беше проблематично и пред тоа. Еднаш ја претепа и другата ќерка, која дојде дома целата во крв. Ужасно е што сè се случува во тоа училиште, и никој не прави ништо. Ова е напад врз моите деца, бидејќи ние сме припадници на албанското малцинство. Затоа ѝ ја втиснал буквата ‘У’ и ѝ рекол дека сега може да се фали дека е усташ”, рече вознемирениот татко.
Strava u zadarskoj školi:
Učenik na nastavi kolegici žigosao slovo U na ruku i rekao joj: 'Sad se možeš hvaliti da si ustaša' https://t.co/TdY3XXe5rj pic.twitter.com/AK1vN7SAtu— Jutarnji List (@jutarnjihr) February 7, 2019
Малолетниот силеџија прво ѝ рекол на неговата ќерка да му даде 10 куни или ќе ѝ ја изгори јакната.
Девојката му дала 10 куни, но тој сепак ѝ ја запалил јакната. Потоа, за време на наставата со вжештен предмет се обидел да ја втисне буквата „У” на нејзиното лице, но девојката успеала да избега.
Потоа ѝ ја жигосал раката, и тоа двапати. Насилникот го втиснал истиот предмет на вратот на уште еден ученик.
„Тој ѝ се закани на никого да не кажува ништо, па затоа молчеше од страв. Но, на часот по физичко, професорката ги забележала повредите и случајот го пријавила на класниот раководител”, рече очајниот татко кој се плаши за животот на своите деца.
Инцидентот се случил додека учениците биле во одделение за време на часовите, објави задарскиот весник.
Тинејџерката кажа дека насилникот ѝ рекол дека го сторил тоа затоа што му било досадно и дека тоа му е „зафрканција“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.