Регион
Судот во Сараево евакуиран поради закана од бомба додека во тек бил судски процес против владата
Зградата на општинскиот и окружниот суд во Сараево денеска морало да биде евакуирана поради дојава за поставена бомба, што ги одложи сите закажани судења, вклучително и тужбата против Федерацијата БиХ поднесена од директорот на граничната полиција, Зоран Галиќ. Судската палата во Сараево со часови била празна додека траела безбедносната проверка.
Заканата за бомба дошла веднаш откога во една од судниците било отворено рочиштето за тужбата против владата на Федерацијата БиХ поднесена од актуелниот шеф на државната гранична полиција, а неговиот советник Свевлад Хофман рече дека тоа е интересна случајност.
„Симптоматично е што дојавата се случи на самиот почеток на ова судење. Судијката, се разбира, беше принудена да ја прекине постапката“, изјавил Хофман за „Хина“.
Судењето за тужбата на Галиќ е интересно бидејќи се работи за долготрајна постапка во која е блокиран изборот на директор на Полициската управа на Федерацијата БиХ.
Галиќ се пријавил на конкурсот објавен по пензионирањето на поранешниот директор Драган Лукач, а во текот на постапката бил прворангиран на листата на кандидати.
Со оглед на тоа што Алјоша Чампара, кој доаѓа од редовите на бошњачкиот народ, е министер за внатрешни работи на Федерацијата БиХ, директорот на Полициската управа треба да биде Хрват, па Галиќ го исполнува и тој услов.
Сепак, владата на Федерацијата БиХ минатата година одби да го потврди неговото именување, па оттогаш со Полициската управа раководи Енсад Корман како вршител на должност.
Галиќ сега ја тужи владата на Федерацијата поради тоа што не е назначен за директор иако се исполнети сите законски предуслови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.