Регион
Тадиќ: Вучиќ се позиционира како човек на чело на династија, а не на држава
Социјалдемократската партија денеска го повика претседателот на Србија, Александар Вучиќ, итно да ја информира јавноста дали е вистина дека на средба со своите соработници рекол дека ако биде убиен, неговиот брат ќе остане зад него, а ако неговиот брат е убиен, дека неговите деца ќе останат зад него и дека нивните гробови „ќе се борат против усташите“.
„Сметаме дека граѓаните на Србија треба веднаш да знаат дали се точни овие наводи на режимските медиуми, пред сѐ, поради злоупотреба на деца, а потоа и поради наводите за изјави во кои Вучиќ се позиционирал како човек на чело на династија, а не држава“, се нагласува во соопштението на СДС.
Претседателот на СДС, Борис Тадиќ, рече дека ваквите изјави се особено скандалозни во време кога Србија се соочува со страшен масакр, во кој беа убиени деца во основно училиште, по што следуваше ескалација на насилството во земјата.
„Тврдењата за убивање деца се несоодветни и опасни во секое време, а во овој момент оставаат особено горчлив вкус. Затоа е потребно Вучиќ веднаш да ја извести јавноста дали овие наводи се точни“, посочи Тадиќ.
Тој додаде дека дури и Вучиќ да ги негира тие обвинувања, никој во земјата на „тотално контролираните медиуми не може да верува дека медиумите на режимот би се осмелиле да објават вакво нешто без негова дозвола“.
„Крајно е загрижувачки што режимските медиуми објавуваат вакви изјави во време кога граѓаните на Србија се борат против насилството бидејќи таквите изјави само ги зголемуваат тензиите во општеството и ја вознемируваат јавноста“, рече Тадиќ.
Тој додаде дека „не е јасно за какви усташи се зборува во таа изјава и кого тој нарекува усташи“ и дека „апсолутно не е нормално претседателот на државата да се обраќа на овој начин и да зборува како да е претставник на наследна монархија, а не претседател на републиката“.
„Крајно ненормално е да се каже или да се нареди објавување наводни изјави дека гробовите на децата ќе се борат со неговите политички противници. А особено е ненормално и морбидно да се зборува за детски гробови во вакво време“, нагласи Тадиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.