Регион
Турските власти ги утврдиле врските на напаѓачот во Истанбул
Турските власти ти откриле врските на терористот кого го поврзуваат со нападот на новогодишната ноќ во истанбулскиот клуб „Reina“ кој уби 39 и рани 65 луѓе, изјави во четвртокот вицепремиерот Вејси Кајнак.
Според Кајнак, напаѓачот, кој најверојатно е Ујгур по националност, можеби веќе ја напуштил Турција, но полицијата располага со информации за тоа каде би можел да се крие. Истовремено Кајнак изрази уверување дека потрагата по напаѓачот од Истанбул ќе доведе до резултати, пренесува Reuters.
Вицепремиерот потврдил дека терористот во нападот дејствувал сам, но и оти Анкара не ја исклучува можноста да имал помош однадвор. Кајнак рекол и дека полицијата ја утврдила неговите врски.
Во рамките на антитерористичката операција во потрага по напаѓачот, турската полиција во средата во областа на градот Измир приведе 40 лица, меѓу кои цели семејства чиишто членови се осомничени за поврзаност со џихадистичката групација Исламска држава.
Шефот на турската дипломатија Мевлут Чавушоглу во интервју за агенцијата Anadolu во средата изјави дека идентитетот на извршителот на масакрот во ноќниот клуб во Истанбул е утврден. Меѓутоа, тој одби да даде поединости. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.