Регион
Убиецот на рускиот амбасадор во Анкара собирал информации и за амбасадорот на САД
Мевлут Мерт Алтинташ, убиецот на рускиот амбасадор во Турција, Андреј Карлов, собирал информации и за амбасадорот на САД во Анката, Џон Бас, објави во четвртокот телевизијата Habertürk.
Според сознанијата на телевизијата, експертите кои го проучувале компјутерот на Алтинташ со клонорање на „облачниот сервис“, на кој останал дел од информациите за дејствијата на корисникот. Од нив било појаснето дека, освен податоци за рускиот амбасадор, атентаторот барал информации и за американскиот амбасадор и за Американскиот културен центар во Анкара. Поради тоа, турската истрага претпоставува дека американскиот амбасадор Џон Бас и американски државјани можеле да бидат цели на Антинташ.
Претходно весникот Sabah пишуваше дека истрагата во рамките на истрагата за убиството на обвинителството на Анкара барала помош и од американското Федерално биро за истраги (FBI) во врска со електронската пошта на атентаторот врз рускиот амбасадор Андреј Карлов. Алтинташ го користел сервис за електронска пошта Google и пред самиот атентат избришал од своето сандаче неколку писма, а исто така ги затворил своите профили на социјалните мрежи Twitter и Facebook.
Истражителите успеале да ја хакираат лозинката на паметниот телефон на Алтинташ и да најдат електронска порака во чијшто наслов пишувало „Ти си должен да ја извршиш волјата на Алах“. Исто така, експертите проучувале голем број пораки преку сервисите СМС и Facetime, кои убиецот ги испраќал во периодот меѓу 15-ти и 29-ти ноември 2016 година. Бидејќи и телефонот и компјутерот на Алтинташ биле производи на Apple, обвинителството официјално се обратило до претставништвото на американскиот технолошки гигант во Истанбул.
Застапниците на анкарското претставништво, исто така, контактирале и со компанијата Google за помош во враќањето на избришаните писма на Алтинташ. Сепак, како што дознава Habertürk., експертите од компанијата изјавиле дека тие биле избришани од серверите без можност да бидат вратени.
Рускиот амбасадор Андреј Карлов беше убиен вечерта на 19-ти декември 2016 година на отворањето на изложба на фотографии во Националната галерија во Анкара. Убиецот, припадник на турската полиција Мевлут Мерт Алтинташ, беше убиен веднаш потоа во престрелката со полицијата. Нападот и официјална Анкара и официјална Москва го квалификуваа како терористички чин, а во турската истрага се вклучени и руски иследници./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Конфликт меѓу српска ТВ-екипа и вујкото на Данка: „Удри го, добро е за рејтингот“
Четврти ден од потрагата по двегодишната Данка Илиќ, а на социјалните мрежи е објавено скандалозно видео снимено пред куќата каде што исчезна девојчето, објави хрватски Индекс.
Новинар и снимател на српски Информер, пристигнале пред куќата на вујкото на Данка каде се случил помал инцидент. Пред нив излегол маж кој се претставил како вујко на Данка и им рекол да си одат оти немаат причина да бидат пред куќата.
Им рекол да ја исклучат камерата или ќе повика полиција. Репортерот и снимателот не го послушале, а најскандалозниот дел од целата ситуација е што водителите во студиото предложиле нивната екипа да го удри вујкото на Данка и дека тоа би било добро за рејтингот.
Mučna situacija svakako, otišli da snimaju porodičnu kuću nestale devojčice. Pojavio se njen ujak i negoduje.
Poslušajte razmišljanje i želju urednika iz studia, od 0:52 do 1:03.
Prokletnici. pic.twitter.com/YnJDuXKV6W— 𝙁𝙀𝙍𝙈𝘼𝙉 (@Fermantwiit) March 27, 2024
Од студиото на ТВ Информер во еден момент велат: „Удри го Рафа, удри го!“ и додаваат дека ќе биде добро за шерот (удел во вкупна ТВ гледаност).
„Сега кога Рафа ќе го забоде, ќе видите“, велат од студиото, се слуша во директниот пренос.
Регион
(Видео) Снимка од приведувањето три лица во БиХ, кои на „Тик-ток“ објавија дека ја држат Данка
Тројца мажи, кои синоќа беа уапсени од Федералната полициска управа (ФУП), а по наредба на српската полиција, синоќа се донесени во просториите на ФУП во Сараево на понатамошна обработка.
Федералната полициска управа на Босна и Херцеговина, врз основа на информации од Министерството за внатрешни работи на Република Србија, Управата за технологија, уапси три лица што се сомничат дека преку социјалната мрежа „Тик-ток“ објавиле дека се поврзани со исчезнување на девојчето Данка Илиќ.
Уапсени се Б. Т. (2002), М. Т. (2001) и З. Т. (1972). Полицијата извршила претрес и утврдила дека информациите што ги дале се лажни.
Во текот на ноќта тројката заедно со Хаџиќ се донесени во просториите на ФУП, каде што потоа ќе бидат предадени на надлежниот обвинител за понатамошна постапка, а видеото од нивното приведување го објави Министерството за внатрешни работи на Србија.
Регион
Два силни земјотреса го погодија југот на Грција
Земјотреси со јачина од 5,7 и 4,3 степени според Рихтеровата скала утрово го погодија југот на Грција, соопшти Геодинамичкиот институт во Атина.
Земјотрес со јачина од 5,7 степени се случи во 9.12 часот на подрачјето на Јонското Море, а минута претходно е регистриран земјотрес со јачина од 4,3 степени, пренесува „Катимерини“.
Двата земјотреса беа почувствувани во многу региони на Грција, вклучувајќи ја и Атика. Професорот по динамичка тектоника и применета геологија, Ефтимис Лекас, на платформата Х напиша дека нема повредени и дека не е причинета штета, а директорот на Геодинамичкиот институт, Атанасиос Ганас, рече дека причината што нема материјална штета е тоа што зградите во областа се изградени според строги антисеизмички прописи.
Ганас изјави дека земјотресот со јачина од 5,7 степени според Рихтеровата скала бил на длабочина од 20 километри, во централното Јонско Море, на допир на евроазиската и африканската плоча. Жителите од погодените подрачја велат дека противпожарните патроли ги утврдуваат сите проблеми предизвикани од земјотресите.