Регион
„Франс прес“: Здравствените системи на Балканот се преоптоварени поради коронавирусот
Недоволниот број на кревети и лекари и масовниот пораст на инфекции со коронавирус ги доведоа болниците на Балканот на работ на колапс, а хаотичните сцени потсетуваат некои здравствени работници на војните во 90-тите, објави агенцијата „Франс прес“ (АФП) во неделата.
Откако коронавирусот повеќе или помалку се држеше под контрола речиси една година, се оствари црното сценарио за кое Балканот стравуваше уште од почетокот на пандемијата.
Во тешко погодената Босна и Херцеговина, доктор за АФП изјавил дека мора да „жонглира“ меѓу неколку пациенти чии животи висат на конец.
„Ситуацијата ме потсетува на војната и се плашам дека само ќе се влоши во текот на зимата“, вели лекарот, кој побарал да остане анонимен.
„Можеме да ја завршиме работата кај три лица, но не и кај петмина“, додал тој.
Западен Балкан е еден од најсиромашните делови во Европа и со недели се бори со епидемија на коронавирус, пишува агенцијата. Бројот на починати се зголемил двојно во изминатиот месец на речиси 10.000.
Кризата открива дупки во здравствените системи кои се загрозени од лошо финансирање и кризата на одлив на мозоци. Надежните млади лекари и медицински сестри заминуваат во странство во потрага по подобри плати и образование.
Пред пандемијата, според Светската здравствена организација (СЗО), Балканот имал најмал број лекари по глава на жител во Европа.
Болниците сега се соочуваат со уште помал број на персонал, бидејќи и тие стануваат жртви на респираторни заболувања.
Во Србија, околу 2.000 здравствени работници биле принудени да одат во самоизолација, додека истовремено голем број пациенти ги полнат болничките кревети во главниот град Белград.
„Никогаш не сум доживеал вакво нешто во мојата професионална кариера“, вели Раде Паниќ, претседател на српскиот синдикат на лекари, за регионалниот ТВ канал Н1.
„Немаше соба за пациенти кои медицински ги сметаме за млади. И немав каде да ги испратам”, додава анестезиологот кој работи во „црвената зона” на болница и ги лекува најтешките случаи на Ковид-19.
БиХ, Северна Македонија и Црна Гора се во првите десет европски земји со најголема стапка на смртност според бројот на жители.
Сепак, владите во регионот не сакаа да се вратат на драстично затворање, како на почетокот на пандемијата. Наместо тоа, тие се одлучија за мали ограничувања, како порано затворање на рестораните, пишува „Франс прес“.
Додека Србија брза да гради две нови болници, Косово размислува да ги адаптира старите хотели во импровизирани одделенија, вклучувајќи го и Гранд хотелот во Приштина.
Преполните болници во Приштина водат до тоа некои пациенти, како што е 33-годишниот Веприм Морина, да не можат да бидат примени.
„Лекарот ми рече да земам терапија дома затоа што болниците се полни“, изјавил фитнес-тренерот за АФП.
Во Северна Македонија, владата се врти кон приватните клиники кои можат да примаат ковид-пациенти, бидејќи јавните болници се речиси полни.
Во болниците надвор од Скопје, семејства и пријатели им носат на пациентите храна, а понекогаш и лекови, пишува АФП.
„Катастрофа. Неорганизирано. Никој не одговара на телефон со часови”, изјавил човек кој се обидувал да добие информации за неговиот болен роднина.
„Медицинскиот персонал се бори, даваат сè од себе, но едноставно не можат да постигнат сè“, додал тој.
Во Хрватска во моментов повеќе од 2.200 пациенти се хоспитализирани, а 3.000 пациенти веќе би го втурнале здравствениот систем во колапс, пишува АФП.
Експертите велат дека политичарите се обидуваат да одржат рамнотежа помеѓу контролата на вирусот и заштитата на кревката економија.
Во БиХ, продавниците, рестораните и спортските сали остануваат отворени, додека Србија го скрати работното време за компаниите.
Иако напредокот во развојот на вакцините им дава надеж на лекарите, тие се плашат од хаосот што може да се настане во меѓувреме.
„Не разбирам зошто властите не воведуваат построги мерки“, вели Јасмина Смајиќ, лекарка од Тузла.
„Нешто мора да се стори ако сакаме да спречиме катастрофални последици“, додава таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Државниот хрватски инспекторат повлече KitKat чоколада од продажба
Државниот хрватски инспекторат го повлече од пазарот производот Nestle KIT KAT Mini Waffle поради присуство на минерални масла, извести Хрватската агенција за земјоделство и храна, пренесе Индекс.хр.
Како што објаснуваат во соопштението, станува збор само за Nestle KIT KAT Mini 200 грама во кесичка (производ од вафли прелиен со млечно чоколадо), серија 40580734, со рок на употреба 01.2025 година.
Производител е Nestle Deutschland AG, Франкфурт, Германија, а производот е пласиран на пазарот од Nestle Adriatic d.o.o., Загреб, Хрватска.
Регион
Потрагата по Данка Илиќ продолжува трет ден, се проверуваат телефоните на родителите
И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување сите факти и околности поврзани со исчезнувањето на детето.
Потрагата по исчезнатото двегодишно девојче Данка Илиќ од Бањско Поље кај Бор продолжува трет ден, а полицијата ќе ги проверува базните станици и ќе ги прегледа мобилните телефони на родителите за да потврди со кого биле во контакт во периодот кога девојчето исчезнало.
Продолжувањето на потрагата ќе се изврши оперативно откога е утврдено дека девојчето не е на 10 квадратни километри од местото на исчезнувањето.
Полицијата ќе ги испрашува и луѓето што биле во близина непосредно пред или по исчезнувањето на девојчето со цел да се утврдат детали, кои можеби биле пропуштени во текот на истрагата, која е во тек.
Исчезнувањето на двегодишното девојче првпат го активира системот „Најди ме“ во Србија, кој е наменет за итно известување на јавноста во случај на исчезнување малолетно лице.
Данка Илиќ (2) има кафеава коса, кафеави очи и е висока околу 85 сантиметри. На денот на исчезнувањето носела виолетови панталони и јакна во маслинесто-зелена боја.
Регион
„Се плашам дека е киднапирана“, рече дедото на исчезнатото девојче Данка
Дедото на исчезнатото девојче Данка Илиќ (2), кое пред повеќе од 27 часа беше изгубено во приградската населба Бањско поле во околината на Бор, за телевизија Блиц изјави дека „низ главата му поминува можноста детето да е киднапирано“.
„Се уште се надевам дека е жива, но неверојатно е никој да не може да ја најде меѓу толку луѓе. Само една опција ми паѓа на ум, дека е киднапирана. Но, не можам да тврдам. Жандармерија, дронови, хеликоптери, цела Србија беше тука и сите ја бараа. Луѓето беа на еден метар еден од друг и никој не може да ја најде“, изјави Милан Илиќ.
Тој рече и дека го плаши фактот што бугарската граница е блиску.
„До бугарската граница преку новиот пат се стигнува за 45 минути, најмногу еден час. Не е точно дека се потребни пет часа, како што кажа некој утринава на телевизија. Кладово е веќе многу подалеку, оддалечено е 150 километри, но Бугарија е многу блиску“, рече тој.