Регион
Франција и Германија: Не ја уценуваме Србија, само ги кажуваме предностите и последиците од предлогот
Германската амбасадорка, Анке Конрад, и францускиот амбасадор, Пјер Кошар, во Белград изјавија дека не ја уценуваат Србија. Тие утрово во емисија на ТВ „Прва“ разговараа за француско-германскиот предлог, што пишува и каква казна ја чека Србија доколку го одбие.
Може ли помирувањето и партнерството што Германија и Франција ги постигнаа пред 60 години со Елисејскиот договор да биде модел за односите на Србите со Албанците и Хрватите?
По завршувањето на Втората светска војна, на Германија и на Франција им беа потребни речиси 20 години да го потпишат Елисејскиот договор на 22 јануари 1963 година. Поминаа повеќе од 20 години од балканските војни во 90-тите, но косовското прашање сè уште не е решено, Србија и Хрватска деновиве повторно се обидуваат да ги одмрзнат односите, меѓуетничките односи во Босна и Херцеговина не се поместени премногу од деновите на Дејтон.
„Ако го разгледате Елисејскиот договор, мораме да кажеме дека тоа е голем успех, кој е изграден и направен по волја на германската канцеларка и претседателот на Данска. Тие имаа мудрост и храброст да потпишат договор, кој е единствен затоа што секој конфликт има своја заднина. Сметаме дека тоа може да биде инспирација за Србија затоа што мислиме дека може да биде добар чекор за помирување“, рече Конрад.
Медиумите објавија нацрт на германско-францускиот предлог за кој српскиот претседател Вучиќ синоќа изјави дека, всушност, е претходната верзија на тој план, која не се разликува многу од последната верзија. Тој истакна дека на состанокот на големата петорка му било кажано дека мора да го прифати планот, а дека во
спротивно Србија ќе се соочи со прекин на евроинтеграцискиот процес, запирање и повлекување на инвестициите и сеопфатни мерки во економска и политичка смисла.
„Претседателот Вучиќ рече дека тој документ е доверлив, не можеме да зборуваме за детали, но тој документ има една цел – а тоа е да се надмине конфликтот што трае со години. Сакаме да му дадеме нова динамика на дијалогот, нормализацијата на Белград и Приштина е целта и сакаме да го забрзаме“, изјави францускиот амбасадор Пјер Кошар.
Тој за заканите кон Србија вели: „Јас не сум учесник во преговорите, но можам да кажам дека немаме казнен пристап кон Србија. Не зборуваме за санкции и уцени. Предности и бенефиции прикажуваме само доколку се согласат двете страни, во спротивно ќе има последици, но тоа не се санкции, туку можност за развој на регионот“, тврди Кошар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.