Регион
Хрватски лекари: Вакцините против Ковид-19 се безбедни, спречуваат тешка форма на болеста и смрт
Да се вакцинира или да не се вакцинира со достапна вакцина против коронавирусот е лажна дилема, порачаа медицинските здруженија во Хрватска.
Тие истакнуваат дека сите одобрени вакцини против Ковид-19 се безбедни и успешни во спречување на тешки форми на болеста, хоспитализација и смрт на пациентите.
„Нашата порака до граѓаните е – вакцинирајте се со вакцината што е достапна, бидејќи ризикот од вакцинација е неизмерно помал од ризикот од Ковид-19“, изјавија од Хрватската медицинска комора, Хрватското лекарско здружение, Хрватскиот лекарски сојуз, Хрватското здружение на болнички лекари и семејна медицина, Хрватското епидемиолошко друштво, Хрватското друштво за инфективни болести на Хрватското лекарско здружение.
Објаснуваат дека неколку европски земји одлучиле да не вакцинираат лица над 65 години со вакцината „Астразенека“, но не поради сомнителна безбедност на вакцината за таа возраст, туку затоа што истражувањето на вакцината сè уште не опфатило доволно стари лица.
Медицинските асоцијации забележуваат дека досега спроведените истражувања не ја довеле во прашање безбедноста на вакцините за лица над 65 години, а во тек се низа научни студии за да се докаже нивото на ефективност во таа возрасна група.
„Ниту една вакцина не е ефикасна 100 проценти. Добар пример е вакцина против сезонски грип која е ефикасна околу 45 проценти, но никој не ја доведува во прашање нејзината употреба“, велат медицинските здруженија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.