Регион
Хрват од Германија по 4 месеци повторно заболел од корона: „Мислев дека годинава завршив со тоа“
Хрват, кој веќе долго време живее и работи во Франкфурт, бил шокиран кога здравјето нагло му се влошило за време на одморот во Хрватска, а во Германија му било потврдено дека е заразен со коронавирусот, пишува „Дневник.хр“.
Ова не би било чудно доколку 54-годишниот Стјепо, кој има хронична срцева слабост, не бил тестиран позитивно на вирусот и во април кога бил во Германија. Потоа бил прогласен за здрав по 14 дена во карантин, бидејќи веќе немал симптоми.
По првата дијагноза во април тој не бил повторно тестиран пред да излезе од карантин, па Стјепо вели дека не може со сигурност да тврди дека е повторно заразен, бидејќи можно е вирусот да се задржал во неговиот организам.
Сепак, тој потенцира дека во текот на тие четири месеци помеѓу двете дијагнози се чувствувал добро и дека ниту еден од неговите многубројни контакти не се разболел.
Стјепо своите тврдења ги поткрепил и со медицинска документација, а како што вели, овој пат, откако веќе четири дена ќе нема симптоми, ќе инсистира повторно да се тестира пред да излезе од карантин.
„По втор пат имав температура од 40 степени, целото тело ме болеше, имав дијареја и бев целосно изнемоштен. Сега сум малку подобар, но сепак имам температура од 38 степени и се надевам дека наскоро ќе закрепнам. Мојата сопруга и децата беа исто така тестирани и, за среќа, тие се негативни“, вели Стјепо.
Научниците во Хонгконг деновиве го потврдија првиот докажан случај на повторна инфекција со коронавирус, а два такви случаи се потврдени и во Холандија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.