Регион
Црногорец уапсен на плантажа со кокаин во Колумбија
Колумбиската полиција го уапси Рајко Бошковиќ (27), роден во Подгорица, за поседување на десетина килограми кокаин, пишува црногорски „Дан“.
Според овој весник, тој беше уапсен на една од плантажите на кокаин во департманот Нарињо во југозападниот дел на Колумбија, кој се граничи со Еквадор на брегот на Пацификот.
Бошковиќ, наводно, работел на плантажите на кокаин како физички работник, а претходно ја работел истата работа во неколку земји од Јужна Америка. Нема детали за апсењето и дали подгоричанинот е осомничен за друго кривично дело, пишува „Дан“.
Дрогата била пронајдена во колективното сместување што го користел Бошковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.
Регион
Избори во Хрватска: На три часа пред затворањето на гласачките места излезноста е 50,6 отсто
Државната изборна комисија во Хрватска објави нови податоци за излезноста до 16:30 часот. На три часа пред затворањето на гласачките места гласале повеќе од 50 отсто од гласачите.
Во моментов на избирачките места има долги редици, голем број граѓани чекаат да ја извршат својата граѓанска должност, јавуваат медиумите.
Изборите ги одбележаа помали инциденти и прекршување на изборниот молк.
Околу 6.000 гласачи денеска не можеа да гласаат бидејќи ги немало во избирачкиот список оти немале важечки лични карти. Но, на сите им била дадена можност да гласаат со издавање на т.н „син“ сертификат.
До 11:30 часот на парламентарните избори во Хрватска излегле 24,18 отсто од гласачите, што е за шест отсто повеќе од изборите одржани во 2020 година.
Ова е втор најголем одѕив по историските избори во 1990 година и независноста на Хрватска.
Денеска во Загреб гласаа главните кандидати за премиер – актуелниот претседател Зоран Милановиќ и актуелниот премиер Андреј Пленковиќ.