Регион
„Џерусалим пост“: Ако Израел го признае Косово, Србија нема да ја премести својата амбасада во Ерусалим
Израелското признавање на Косово како независна држава ќе ги влоши односите со Србија и покрај тоа што е во рамките на договорите што земјите од Балканот ги потпишаа во Белата куќа, изјави извор близок на српскиот претседател Александар Вучиќ за „Џерусалим пост“ во средата.
„Србија нема да ја премести својата амбасада во Ерусалим ако Израел го признае Косово како независна држава. Покрај тоа, овој потег на Израел би им наштетил на инаку блиските односи меѓу Израел и Србија и тие никогаш повторно нема да бидат исти“, вели изворот, кој е запознат со договорите потпишани во Вашингтон.
Изворот додаде дека многумина тврдат дека ако Израел го признава Косово, тоа ќе биде слично на земјите што еднострано ја признаваат Палестина.
Косово прогласи независност од Србија во 2008 година, но Белград го смета за автономна зона. Израел не го признаваше Косово повеќе од една деценија поради загриженост за нарушување на силните врски со Србија и за да избегне поставување преседан за признавање на палестинска држава.
Србија и Косово истовремено потпишаа одделни договори со САД во петокот. Договорите ќе овозможат поголеми економски врски меѓу земјите. Критичарите изјавија дека содржината на договорите не ги унапредува врските Србија-Косово и се состои од активности што тие веќе ветија дека ќе ги преземат во разговорите со посредство на ЕУ.
Покрај тоа, во договорот со Косово стои дека Израел ќе ги нормализира врските со земјата со муслиманско мнозинство, која ќе отвори амбасада во Ерусалим. Во договорот на Србија се вели дека и тие ќе отворат амбасада во Ерусалим. Претходно оваа година, Србија објави дека ќе отвори трговска канцеларија во главниот град.
Американскиот претседател Доналд Трамп соопшти дека Косово ќе ги нормализира своите односи со Израел и дека Србија ќе ја премести својата амбасада во Ерусалим. Израелскиот премиер Бенјамин Нетанјаху, пак, нагласи дека Косово, кое одлучи да ги нормализира односите со Израел, својата амбасада ќе ја отвори во Ерусалим.
И Србија и Косово сакаат да влезат во Европската Унија, а Србија веќе започна преговори за ова прашање. Портпарол на ЕУ, во врска со договорите, во понеделникот рече дека сите дипломатски чекори што можат да го доведат во прашање заедничкиот став на ЕУ за Ерусалим се причина за сериозна загриженост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.