Регион
Евакуација на италијански траект на кој изби пожар во Грција
Во неделата претпладне трае меѓународна спасувачка операција на море во услови на силен ветар откако на италијански траект со 466 патници и челнови на екипажот избил пожар на патот од Грција кон Италија, а капетанот на бродот наредил евакуација.
Патниците кои се јавува во грчката државна телевизија дадоа драматични изјави за ситуацијата на бродот по избувнувањето на пожарот во неделата рано наутро додека половел на Патра во западна Грција кон Анкона во Италија.
„Се обидоа да ги спуштат чамците за спасување, но не можевме сите да се качиме во нив. Нема координација“, изјави еден патник. „Темно е, дното на бродот гори. Ние сме на мостот, гледаме чамец кој се приближува… отворивме некои кутии и најдовме појаси за спасување, се обидуваме да се спасиме“, додаде.
Засега не е познато дали има жртви или патници во морето чии ниски зимски температури ќе го отежнат преживувањето доколку спасувачите не дојдат брзо. Претходните извештаи говореа дека некои патици скокнале во морето за да избегат од пламените јазици.
Траектот „Norman Atlantic“ во кој имало 222 возила, 411 патници и 55 членови на екипажот, се наоѓал 44 наутички милји северозападно од островот Крф кога испратил повик за помош поради пожар на долната палуба, соопшти крајбрежната стража на Грција.
„Бродот е веќе евакуира“, изјави неименуван функционер за Reuters додавајќи дека 130 луѓе се префрлени од чамците за спасување на товарен брод кој бил во близината кога избил пожарот на траектот.
Според функционерите, во операцијата на спасување, којашто се спроведува во тешки и сложени временски услови, учествуваат покрај грчките и италијански и албански власти. Уште седум бродови допловиле во областа во којашто е траектот, а испратени се и спасувачки хеликоптери и авион „С-130“ за потрага и спасување./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.