Регион
Еврогрупата позитивно одговорила на грчкото писмо
Челникот на групата министри за финансии на земјите од еврозоната позитивно одговорил на грчкото барање за скорешен почеток на техничките разговори со меѓународните заемодавачи за да се заклучи програмата за странска финансиска помош на Грција, изјави во саботата грчки владин функционер, а истовремено претседателот на Европската комисија, Жан-Клод Јункер предупреди на тешките социјални состојби во оваа земја.
Грчкиот министер за финансии Јанис Варуфакис во петокот му испрати писмо на челникот на еврогрупата, Јероен Дијселблом во кој ја опишува првата група реформи коишто Грција има намера да ги спроведе како услов за идната помош од Европската унија и Меѓународниот монетарен фонд (ММФ).
Претседателот на Европската комисија Жан-Клод Јункер ги повикува во разговорот што во недела ќе биде објавен во германскиот весник Die Welt, „сите“ во Европската унија да ја сфатат сериозноста на социјалната состојба во Грција.
„Челникот на еврогрупата ноќва со писмо му одговори на министерот за финансии Варуфакис, Позитивно одговори на писмото на грчкиот министер, нагласувајќи ја потребата од продолжување на преговорите во европската работна група и меѓу техничките тимови за да се спроведе одлуката од 20-ти февруари“, рекол за Reuters неименуван грчки функционер.
Врз основа на договорот со доверителите од февруари, новата грчка влада водена од радикалната левица треба до крајот на април треба да ги објави мерките кои има намера да ги спроведува за да добие дополнителна финансиска помош. Министрите за финансии ќе се сретнат во понеделник во Брисел за да дискутираа за мерките коишто ги предлага Атина.
Претседателот на Европската централна банка (ЕСВ), еден од грчките доверители, Марио Драги, во четвртокот побара да биде извршен притисок врз грчката влада за да ги спроведе ветените реформи, велејќи дека банката ќе продолжи да ги кредитира грчките банки само доколку утврди дека Атина продолжува да ја спроведува програмата и дека е на пат да добие преодна оцена.
Драги, исто така, нагласи дека ЕСВ нема да го зголеми лимитот за грчките краткорочни заеми, што би ѝ помогнале на владата на премиерот Алексис Ципрас да ја спречи финансиската гриза, имајќи предвид дека договорот за Европската унија забранува финансирање на националните влади.
Од кабинетите на грчкиот премиер објавија дека Ципрас во саботата имал „конструктивен“ разговор со Драги, како и дека притоа рекол дека ја почитува независноста на Европската централна банка од политичките притисоци.
Претседателот на ЕК, јункер, истовремено предупредува на загрижувачките социјални состојби во Грција. „Мораме да бидеме претпазливи ситуацијата во Грција дополнително да не се влоши. Она што ме загрижува е дека некои во Европската унија не ја сфаќаат сериозноста на ситуацијата во Грција“, смета. Јункер притоа не појаснува дали мисли на една или повеќе држави членки или на некоја од институциите на ЕУ.
Јункер предупреди дека четвртина од Грција не примаат социјална помош, дека невработеноста е најголема во ЕУ, особено меѓу младите, во периодот додека земјата минува низ реформите./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.