Регион
Јадранка Косор остро му одговори на Тадиќ
Премиерката на Хрватска, Јадранка Косор денеска коментирајќи ги реакциите на претседателот на Србија, Борис Тадиќ за нејзината посета на Косово, рече дека смета оти не се работи за дипломатска војна.
Премиерката на Хрватска, Јадранка Косор денеска коментирајќи ги реакциите на претседателот на Србија, Борис Тадиќ за нејзината посета на Косово, рече дека смета оти не се работи за дипломатска војна.
Таа за новинарите во Корчула изјави дека Хрватска се залага за негување на добрососедските односи, но дека хрватската влада никогаш нема да прифати некој да и се меша во внатрешната политика.
„Ние имаме право да работиме на проектите за кои мислиме дека се важни и фактот е дека кога се зборува за Косово, Хрватска го призна и ако имаме економски интерес дополнително ќе ја зајакнеме соработката со Косово“, нагласи Косор, пренесуваат хрватските медиуми.
Таа повтори дека Хрватска и понатаму ќе го поддржува европскиот пат на сите соседи, вклучително и на Србија.
Коментирајќи ги изјавите на Тадиќ за нејзината неодамнешна посета на Косово, Косор рече дека е интересно за нејзиното недемократско однесување да зборува личност која минатата година забрани прослава на „Олуја“, иако е таа за Хрватска од посебна важност.
„Оваа година Тадиќ зборуваше за вооружените немири на просторите на Хрватска, но не зборуваше за вистината, за историските факти. Овде не се работеше за вооружен конфликт, туку Хрватска беше жртва на големосрпската агресија на Милошевиќ“, укажува Косор.
Таа додаде дека „Тадиќ истовремено не гледа ништо лошо во тоа неговиот министер во владата да полага венец на гробот на Слободан Милошевиќ, тиранин и крволок, кој е одговорен за Сребреница, за уништувањето на Хрватска, БиХ и за други злосторства“.
Според нејзините зборови, Хрватска со акцијата „Олуја“ помогнала да се отворат демократските процеси во Србија.
Хрватската премиерка неодамна го посети Косово, а по таа посета следеа остри реакции од српските политичари, меѓу кои и претседателот Тадиќ и шефот на дипломатијата Вук Јеремиќ.
Поради реакциите на Белград, Министерството за надворешни работи на Хрватска изрази протест пред зградата на српската амбасада во Загреб./крај/вол/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.