Регион
Грчките неонацисти почнаа да предаваат „историја" на децата
Грчките политичари го осудија членовите на неонацистичката партија Златна зора, која во средата организирала предавање за „духовна просветлување” на деца на возраст меѓу шести и десет години.
Оваа радикална партија позната по националистичките истапи на нејзините припадници, вклучително и против македонското малцинство во Грција, во средата соопшти дека од пред неколку дена покренала „нов циклус на духовно будење” за децата, во форма на предавања коишто ги изведуваат членовите на Златна зора во партиската канцеларија во близина на Атина.
„Тоа беше предавање од старогрчката митологија за младите пријатели на нашето движење”, се наведува во соопштението на грчките неонацисти во чиј прилог се дадени и фотографии на деца.
При предавањето биле искористени извадоци на книгата „Пропаганда: методика и техника на раководење со масите” на Георгиос Георгалас, кој заземаше низа раководни функции во времето додека со Грција владееше ултрадесничарската хунта на ткн „црни полковници”, пред околу 40 години.
Министерството за образование на Грција соопшти дека „никој нема право да манипулира со децата”. Главната опозициска партија, коалицијата на радикалната левица СИРИЗА, во писмената изјава нагласи дека на „малите деца им се пере мозокот со нацистичка пропаганда”. Комунистичката партија на Грција побара масовно спротивставување на политиката на „нацистичката банда”.
„Жртвите на Златна зора станаа невините души на шестгодишни деца, тоа води кон фанатизам, нацизам и насилство’, изјави, пак, претставник на партијата од владејачката коалиција, социјалистичкиот ПАСОК.
Осум пратеници од најмалата партија во владејачката коалиција, коалиција на умерените леви сили ДИМАР, поднесоа пратеничко прашање до министерот за образовани со барање да даде одговор за зголеменото ултрадесничарско расположение во грчките училишта. Пратениците тврдат дека под влијание на Златна зора, децата напаѓаат имигранти и организираат „проверка на националноста” во училиштата.
Партијата Златна зора, којашто отворено користи неонацистички симболи и објавува таква литература, го шокираше грчкото општество, првпат освојувајќи пратенички мандати во парламентот во мај 2012 година. Сега, според анкетите, грчките неонацисти се третата политичка сила во земјата според популарноста. Партијата, покрај вербалните и повремени физички напади и закани кон националните малцинства во Грција, како и кон жителите на соседните земји, организираше повеќе случаи на насилства против странските имигранти, како и кампања за собирање резерви крв и обезбедување медицинска нега „само за Грци”. Грчките следбеници на неонацизмот, исто така, организираат демонстрации и ткн поворки на факели на кои демонстрираат нетрпеливост кон претставниците другите нации, па дури и територијални претензии кон соседните држави./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.