Регион
Курдскиот лидер Оџалан со „историски апел" од затвор ќе бара мир
Затворениот историски лидер на забранетата Работничка партија на Курдистан (PKK) најави дека во четврток ќе упати „историски апел” за мир што ги зголемува надежите дека ќе биде постигнат прекин на огнот кој би придонел да заврши 28-годишниот судир меѓу курдските сепаратисти и турските безбедносни сили во кој загинаа повеќе од 40 илјади луѓе, а штети претрпе и економијата.
Челникот на курдската Партија на мирот и демократијата Салахатин Демиртас, пратеник во парламентот на Турција, го посетил Абдулах Оџалан во затворот на островот Имрали, а по средбата ја пренел неговата порака која гласи „Сакаме што поскоро да го решиме проблемот на оружјето, повеќе да не се губи време ниту животи”. Оџалан со тоа ја побарал поддршката на парламентот и политичките партии за да се постигне траен мир.
„Соопштението коешто го подготвувам ќе претставува историски повик. Ќе содржи задоволувачки информации за воената и политичката димензија на решението”, најавил Оџалан.
Примирја меѓу курдските бунтовници и турските власти и претходно беа договарани и кршени., но првпат Оџалан и турскиот премиер Реџеп Таип Ердоган отворено зборуваат за разговори за сеопфатно решение. Ердоган направил повеќе отстапки во врска со културните и јазичните права. PKK првично бараше независна курдска држава во југоисточниот дел од Турција, но сега нивните барања се толкуваат како поумерени и се однесуваат на широка политичка и културна автономија.
Работничката партија на Курдистан (PKK) чиј еден од основачите и историски челници е Оџалан, е ставена на истата терористички организации на Турција, Европската унија и САД, но официјална анкара во октомври 2012 година започна преговори со Оџалан поради смирување на судирите, бидејќи од изминатото лето беше регистрирана зајакнување на герилските акции и масовни пасења на курдските активисти.
Абдулах Оџалан затворениот челник на забранетата Работничка партија на Курдистан (PKK) во затворот на острови Имрали во Мраморното Море јужно од Истанбул, се наоѓа во изолација откако беше уапсен и грабнат од припадниците на турските тајни служби во Кенија во февруари 1999 година. Во јуни истата година, тој беше осуден на смрт за тероризам и предавство и затворен на островот Имрали во Мраморно Море. Казната подоцна под притисок на меѓународната заедница беше заменета со доживотен затвор без право на помилување.
Меѓутоа, Оџалан од октомври 2012 година води преговори чијашто цел е ставање крај на 28-годишните судири меѓу турските безбедносни сили и курдските бунтовници во кои загинаа повеќе од 40 илјади луѓе.
Во согласност со планот, на кој PKK би требала да одговори набрзо, бунтовниците официјалниот прекин на огнот би требало да започнат да го применуваат од 21-ви март, кога се прославува курдската Нова година, а тоа според пишувањето на турските медиуми може да го следи и наредба PKK да ги повлече своите герилци од територија на Турција во нејзините бази во северен Ирак.
Повлекувањето на курдските милитанти од турската територија би требало да заврши на 15-ти август. Наведениот датум зависи од тоа дали Турција ќе ги усвои реформите со коишто ќе гарантира поголеми права за курдското малцинство, коешто според процените го има околу 15 милиони, што претставува 20 отсто од вкупното населени на Турција коешто брои 76 милиони луѓе./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Европскиот парламент одобри визна либерализација за Србите од Косово
Европскиот парламент денеска одобри визна либерализација за имателите на српски пасоши од Косово, кои ги издава Координативната управа на Србија на предлог на европратеникот и известувач за укинување на тие визи, Матјаж Немец.
За извештајот на Немец гласале 406 од 597 европратеници, 97 биле против, а 94 биле воздржани.
По гласањето во ЕП, последниот збор за овој предлог треба да го дадат министрите на Советот на ЕУ.
Претходно овој месец, амбасадорите на земјите членки на ЕУ се согласија со предлогот на ЕП и Советот на ЕУ за измена на регулативата за иматели на српски пасоши издадена од Координативната управа на Србија, со која се доделува визна либерализација на носителите на овие пасоши, пишува српската новинска агенција „Танјуг“.
Претходно, Комитетот за граѓански слободи, правда и внатрешни работи на ЕП на 9 април го усвои нацрт-извештајот за визна либерализација.
Целиот Западен Балкан ќе има ист визен режим за патување во ЕУ
Оваа одлука гарантира целиот регион на Западен Балкан да има ист визен режим за патување во ЕУ, објави тогаш ЕП.
Постои можност одлуката за визна либерализација за имателите на српски пасоши во Косово да почне да се применува до почетокот на летото.
Србите од Косово се единствените од Балканот на кои им е потребна виза за ЕУ
Србите од Косово и Метохија, кои поседуваат пасоши издадени од Координативната управа, која функционира во рамките на Министерството за внатрешни работи на Србија, се единствените на кои им е потребна виза за влез во земјите на ЕУ откога од 1 јануари годинава беа укинати визите за граѓаните на Косово.
Во ноември 2023 година Европската комисија предложи да почне постапка за вклучување на граѓаните на Косово, кои имаат пасоши издадени од Координативната управа на Србија, преку визна либерализација.
Регион
Додик повторно во Русија: Имаме притисок, но остануваме посветени на добрите односи со Москва
Лидерот на босанските Срби, Милорад Додик, повторно отпатува во Русија за да ја изрази својата желба за зајакнување на односите со режимот на Владимир Путин, а денеска на средбата со шефот на рускиот Совет за безбедност, Николај Патрушев, тоа го потврди. Додик отпатува за Санкт Петербург, каде што ќе учествува на меѓународниот безбедносен форум организиран од руските власти, а таму го однесе и министерот за безбедност на БиХ, Ненад Нешиќ, со чија партија е во коалиција на државно ниво.
Како што објави јавниот сервис на Република Српска (РТРС), Додик веднаш се сретнал со Патрушев, кој се смета дека е еден од најблиските соработници на Путин. Двајцата разговараа за соработката меѓу РС и Русија, а Патрушев особено ги пофали добрите лични односи меѓу Додик и Путин.
„Вашите одлични лични односи со претседателот на Русија, Владимир Путин, водат до одлични односи меѓу РС и Руската Федерација“, рече Патрушев на средбата додавајќи дека е свесен оти РС е под голем притисок поради тоа.
Додик одговори дека нема да го поколебаат притисоците.
„Ние сме под голем притисок, но остануваме посветени на добрите односи со Русија“, рече Додик.
Актуелниот претседател на РС, кој е под санкции на САД и Велика Британија, отпатува во Русија во време кога Босна и Херцеговина се соочува со сериозна политичка криза. Министерот за надворешни работи на БиХ, Елмедин Конаковиќ, во понеделникот предупреди дека односите во владејачката коалиција се најлоши досега.
Кризата беше предизвикана од барањето на Додик за укинување на техничките измени на изборниот закон, кои беа наметнати во март од високиот претставник за БиХ, Кристијан Шмит, како и противењето на најавеното усвојување на резолуцијата во Обединетите нации, со која би се прогласил 11 јули како ден за сеќавање на жртвите од геноцидот во Сребреница.
Поради оваа причина, Додик ги актуализира своите закани за независност на РС и тоа го стори во пресрет на заминувањето во Русија.
„Не можеме да живееме со оние што работат против нас. Време е секој да тргне по својот пат“, изјави вчера Додик.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.