Регион
Медведев: Србија да „турка" околу Косово, а не Русија
Русија го поддржува ставот на Србија по прашањето на едностраното прогласување на независноста на нејзината поранешна јужна покраина Косово, но смета дека решението на тоа прашање е привилегија на Србите, изјави во средата во руската престолнина Москва, премиерот Дмитриј Медведев на средбата со српскиот колега Ивица Дачиќ.
„Не треба да ние да го ‘туркаме’ тој процес, туку Србија. Вие треба да бидете во најголема можна мерка заинтересирани за доброто решавање на тоа прашање”, го цитира Танјуг рускиот премиер Дмитриј Медведев.
Додал дека тргнува од тоа што политичките нијанси, довиените разговори и суштинскиот интерес по тоа прашање траба да ги иницира српската страна.
Медведев на заедничката прес-конференција со Дачиќ, истакнал дека Русија сфаќа колку косовскиот проблем е важен за „пријателите Срби”, како и дека тоа прашање постојано се покренува во билатералните разговори.
Според Медведев во последно време се создал впечаток дека од „Русија очекува повеќе отколку од самата Србија”. „Тоа не е исправно. Вие треба да одлучите какво став да заземете”, рекол рускиот премиер.
Додал дека таа тема треба да се покренува и пред Обединетите нации и в преговорите со Европската унија. Медведев нагласил дека Русија ќе ја поддржи Србија по тоа прашање. „Секогаш ќе го поддржуваме ставот којшто ќе го формулираат српските челници”, порачал рускиот премиер.
Од своја страна српскиот премиер Дачиќ рекол дека неговата земја има намера да го продолжи дијалогот за косовското прашање и да дојде до одржливо и спроведливо решение.
„Србија не може да ги прифати принципите кои се во основата на таа варијанта од договорот, бидејќи тие не гарантираат целосна безбедност и заштита на права на српското население на Косово”, истакнал Дачиќ додавајќи дека потпишувањето на таквиот документ не би довело до конечно и одржливо решение за проблемот.
„Никогаш нема да се согласиме со едностраното прогласување на независноста на Косово, бидејќи таквите преседани не се во согласност со меѓународното право”, рекол Дачиќ истакнувајќи дека српските власти се заинтересирани да ги заштитат Србите коишто живеат на Косово.
„Токму затоа сме и подготвени да го продолжиме дијалогот”, рекол уште српскиот премиер според кого преговорите треба да се вратат под покровителството на Обединетите нации.
Српскиот премиер апелираше до Русија да помогне овие преговори коишто сега се водат под покровителство на Европската унија, да бидат вратени во рамките на Обединетите нации.
Белград и Приштина досега во осум кругови од преговорите за нормализација на меѓусебните односи под покровителство на Брисел се обидуваа та постигнат договор за статусот на косовските Срби, а косовските власти се согласија на заедница на општини, но не и на извршните овластувања во сферата на полицијата, правосудството, катастарот и образованието, коишто ги бараше Белград.
По осмиот круг разговори Ештон соопшти дека „разговорите се формално завршени”. Договорот со Приштина за Србија е клучниот услов за нејзиниот напредок во евроинтеграцискиот процес и добивање датум за пристапните преговори за членство во ЕУ.
Албанските власти во Косово во 2008 година со поддршка на водечките западни земји прогласија независност од Србија. Белград во осумте рунди преговори со Приштина бараше за заедницата на српските општини на Косово широки овластувања во поглед на правосудството, полицијата образованието итн, додека албанските власти веруваат дека таквите овластувања го загрозуваат уставот на Косово./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.