Регион
Рама и Кери разговарале за уништувањето на сириското хемиско оружје во Албанија
Премиерот на Албанија, Еди Рама и државниот секретар на САД Џон Кери имаа телефонски разговор околу предлозите сириското хемиско оружје да биде уништувано во Албанија.
Оваа го изјави шефот на албанската дипломатија Дитмир Бушати во петокот доцна навечер на комисиска седница на парламентот по барање на група пратеници. Меѓутоа, притоа не даде детали околу содржината на телефонскиот разговор на Рама и Кери.
Бушати рече дека и тој има контакти со претставници на САД и Европската унија околу предлогот на САД и Албанија да биде земјата каде би се уништивало хемиското оружје од Сирија, но побара да не се избрзува со изјави од страна на опозицијата, бидејќи албанската влада не е во фаза на донесување на одлука.
Во Албанија, како опозицијата, така и повеќе невладини организации се спротиставуваат на најавите во земјата да се уништува хемиското сириско оружје. Притисокот врз владата на Рама придолжува и добива во интензитет и во дел на домашните медиуми.
Претходно и претседателот на собранието на Албанија, Илир Мета, изјави дека неговата земја нема капацитети за уништување на хемиското оружје на Сирија. Тој во емисијата „Топ стори“ на тиранската телевизија Топ Канал, ја потврди изјавата на министерот за надворешни работи на Албанија дека се остварени контакти со САД, меѓутоа и оти, исто така, има и информација дека владата во Тирана нема досега донесена одлука за уништување на хемиското оружје.
Нагласи, исто така, и дека за оваа прашање последниот збор ќе го каже парламентот, но Мета изрази сомневање дека „Албанија има капацитети за да го уништи хемиското оружје од Сирија“./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.