Регион
Обама бара 'целосно и искрено' признавање на 'масакрот' врз Ерменците од Турција
Американскиот претседател Барак Обама повика во четвртокот на „целосно , искрено и чесно” признавање на масакрот врз Ерменците извршен во текот на Првата светска војна, откако во средата турскиот премиер Реџеп Таип Ердоган во името на Турција им се извини на нивните потомци.
„Целосно, искрено и чесно признавање на фактот во интересот на сите”, се наведува во соопштението на американскиот претседател Барак Обама што го објави Белата куќа по повод 99-годишнината од одбележувањето на геноцидот врз Ерменците за време на Османлиското царство.
Обама, како што забележуваат агенциите, во ниту еден термин не го споменал терминот „геноцид”. Покрај тоа, не ја споменал директно Турција, којашто е сојузничка на САД во НАТО.
Во средата, пред одржувањето на комеморацијата, турскиот премиер Реџеп Тајип Ердоган, во потегот што е без преседан во турската историја изрази сочувство со потомците на Ерменците убиени во периодот од 1915 до 1917 година.
Шефот на турската влада првпат отворено проговори за човечката драма која се одигрувал во периодот меѓу 1915 и 1917 година, последните денови од Отоманската империја. Многу држави во светот ова го сметаат за геноцид врз Ерменците, што Турција досега го нема прифатено.
„Човечки е да се направи обид да се сфати и со Ерменците да се сподели желбата да се сетат на патењата на своите сонародници во тој период”, се наведува во соопштените на турскиот премиер Реџеп Тајип Ердоган.
„Сакаме Ерменците кои ги загубиле животите во таквите околности да почиваат во мир и изразуваме сочувство до нивните внуци”, беше наведено во изјавата на Ердоган.
Ерменскиот претседател Серж Саргсјан изјави во четвртокот дека Турција треба да го признае ерменскиот геноцид од 1915 година во Османлиската империја, бидејќи само на овој начин ќе може да спречи повторување на слични настани
„Ерменскиот геноцид не смее да се смета за завршен сé додека наследникот на Османлиската империја продолжи да негира очигледни факти. Убедени сме дека негирањето на делото е негово директно продолжение. Само преку признавањето и осудата можат да се спречат ваквите злосторства”, се вели во обраќањето на ерменскиот претседател по повод Денот на сеќавањето за ерменскиот геноцид, кој се одбележува на 24-ти април.
Ерменската заедница била изложена на систематско елиминирање во периодот од Првата светска војна што го спроведувало Османлиското царство и, според историографијата, од 24-ти април 1915 до 1917 година во турската империја таа била жртва на масакри и масовни прогони, а имотите на нејзините припадници биле одземени, што се смета за прв геноцид во XX век.
Ерменија, многу историчари и парламентите на земји во светот оценуваат дека тогаш биле убиени 1,5 милиони Ерменци и тие настани ги нарекуваат геноцид, додека турските историографи се задржуваат на бројката до најмногу половина милион Ерменци кои ги загубиле животите. Иако зазема попомирлив став по оваа проблематика од своите претходници, исламско-конзервативната влада којашто до 2002 година е на власт во Турција и натаму е решителна во одбивањето тие случувања да бидат карактеризирани како геноцид.
Турција и Ерменија во 2009 година потпишаа договор за помирување, но нивниот обид за приближување, со посредување на САД, пропадна за само половина година, откако страните се обвинуваа меѓусебно дека сакаат да го менуваат текстот на договорот и да поставуваат нови услови. Парламентите на двете држави, така, не го потврдија тој договор.
Анкара и Ереван се спорат и околу иднината на Нагорно Карабах, енклава во центарот на Азербејџан со мнозинско ерменско население. Анкара го поддржува Баку во тој територијален спорт кој беше повод за крвавата војна меѓу двете држави на почетокот од 1990-те и во 1993 година ја затвори границата со Ерменија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.
Регион
Никола Роквиќ тргна пеш на пат долг 1.150 километри на хумана мисија
Никола Роквиќ пеш тргна кон Грција и треба да помине 1.150 километри, а сето тоа во хуманитарна мисија.
Тој и неговата сопруга Бојана неодамна ја основаа „Фондација за семејство“, а за да им помогне на оние на кои им е потребна помош, реши да направи неверојатен чекор достоен за восхит.
Треба да стигне до Егина, каде што ќе се поклони на Свети Нектариј Егински. Пред заминувањето тој со семејството ја посети црквата Свети Сава каде се помоли.
„По овој пат решив да тргнам од љубов кон луѓето и се надевам дека ќе биде за радост на многумина, се надевам дека ќе биде за радост на многумина, се надевам дека ќе биде за помош на многумина. Првенствено да помогнам на многу семејства, на многу деца, но најважно да им помогнам на болните деца, поради што во голема мера го започнав ова патување. Започнавме фондација која ќе му помага на семејството, која ќе помага на талентирани деца, на многудетно семејство, но и на болни деца“, изјави Никола во храмот Свети Сава за „Телеграф“.
Никола последниве месеци се подготвуваше за овој потфат со големи планинарски тури.
Регион
Европскиот парламент одобри визна либерализација за Србите од Косово
Европскиот парламент денеска одобри визна либерализација за имателите на српски пасоши од Косово, кои ги издава Координативната управа на Србија на предлог на европратеникот и известувач за укинување на тие визи, Матјаж Немец.
За извештајот на Немец гласале 406 од 597 европратеници, 97 биле против, а 94 биле воздржани.
По гласањето во ЕП, последниот збор за овој предлог треба да го дадат министрите на Советот на ЕУ.
Претходно овој месец, амбасадорите на земјите членки на ЕУ се согласија со предлогот на ЕП и Советот на ЕУ за измена на регулативата за иматели на српски пасоши издадена од Координативната управа на Србија, со која се доделува визна либерализација на носителите на овие пасоши, пишува српската новинска агенција „Танјуг“.
Претходно, Комитетот за граѓански слободи, правда и внатрешни работи на ЕП на 9 април го усвои нацрт-извештајот за визна либерализација.
Целиот Западен Балкан ќе има ист визен режим за патување во ЕУ
Оваа одлука гарантира целиот регион на Западен Балкан да има ист визен режим за патување во ЕУ, објави тогаш ЕП.
Постои можност одлуката за визна либерализација за имателите на српски пасоши во Косово да почне да се применува до почетокот на летото.
Србите од Косово се единствените од Балканот на кои им е потребна виза за ЕУ
Србите од Косово и Метохија, кои поседуваат пасоши издадени од Координативната управа, која функционира во рамките на Министерството за внатрешни работи на Србија, се единствените на кои им е потребна виза за влез во земјите на ЕУ откога од 1 јануари годинава беа укинати визите за граѓаните на Косово.
Во ноември 2023 година Европската комисија предложи да почне постапка за вклучување на граѓаните на Косово, кои имаат пасоши издадени од Координативната управа на Србија, преку визна либерализација.