Регион
На Србија и' се закануваат поплави, критични следните 72 часа
Поради силните дождови во поголемиот дел од Србија кои непрекинато врнат повеќе од 12 часа, во некои општини е воведена вонредна состојба, некои локални училишта се затворени и нема да работат до крајот на седмицата, а поради излевањето на реките во прекин е сообраќајот на многу локални правци.
Штабот за вонредни состојби на Министерството за внатрешни работи на Србија го предупреди локалните власти дека следните 72 часа мораат да бидат во целосна подготвеност.
Републичкиот хидрометеоролошки завод од час во час известува за порастот на водостојот на повеќето реки, со многу неповолни прогнози, бидејќи следните два дена се очекува да наврне дожд колку што изнесува месечниот просек па дури и повеќе од тој просек , а во некои региони, особено во Војводина, врнежите се проследени со силен ветер.
Началникот на штабот за вонредни состојби, Предраг Мариќ, изјави дека ситуацијата се следи од минута во минута, како и дека на теренот веќе се упатени тимови за спасување на вода, но мораат да се организираат и општинските штабови за одбрана од поплави.
Вонредна ситуација веќе е прогласена во Ваљево, и во делови од општините Лајковац, Уб и Осечина на сливот на Колубара.
„На сите критични места се упатени екипи за спасување на вода од Белград и од Нови Сад, Сите локални самоуправи мора да бидат во целосна подготвеноста и подготвени да реагираат”, истакна Мариќ.
Во претходниот бран поплави во текот на април настрадаа две деца кој се удавија во река во едно село крај Ниш, а најмногу проблеми со поплавите имаше во регионите на Зајечар, Краљево, Крушевац, и Ужице, додека поради ненадејниот снег милионски загуби претрпеа одгледувачите на малини во западна Србија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.