Регион
Турција: Судири во три града на годишнината од протестите
Турската полиција била принудена да употреби солзавец и сила за растурање на собирите кои претходно ги забрани во Истанбул, Анкара и Адана, како и во некои други градови откако избија судири меѓу органите за спроведување на редот и учесниците на манифестациите со кои се одбележува годишнината од масовните антивладини протести кои започнаа на централниот истанбулски плоштад Таксим.
Судирите избиле во Истанбул и покрај тоа што од претпладнето во саботата на плоштадот Таксим беа распоредени илјадници полицајци, кога група од стотина демонстранти сепак успеала да го пробие кордонот во близината на Таксим и паркот Гези, притоа извикувајќи пароли со барање оставка од владата на премиерот Реџеп Тајип Ердоган.
Единици на полицијата за спречување безредија успеала со употреба на солзавец и водени топови да ги растераат демонстрантите во споредните улички, каде што продолжуваат тензиите, пренесуваат локалните медиуми. Демонстрантите од кои повеќето се со прекриени лица со маски и шалови, како и градежнички шлемови на главите за заштита од патроните со солзавец и гумените куршуми, ги блокираат улиците со импровизирани средства, палејќи контејнери со смет и фрлаат камења врз полцијата, се додава во извештаите.
Освен на Таксим, протестите во Истанбул се одржуваат и во квартот Бешикташ и на булеварот Истаклија која води до плоштадот, а растурањето на групи демонстранти имало и во други области на мегалополисот. На самиот плоштад Таксим и паркот Гези кои станаа симбол на минатогодишните протести ко се раширија низ цела Турција, во саботата навечер е мирно и речиси нема минувачи, пренесуваат медиумите.
Само во Истанбул биле ангажирани 25 илјади полицајци за обезбедување на сигурноста. На плоштадот Таксим од претпладнето се распоредени 50 возила опремени со водени топови и неколку десетици автобуси со припадниците на специјалните сили. За намалување на бројот демонстранти, во саботата беше блокирана станицата на истанбулската подземна железница кај плоштадот Таксим, а привремено беше запрена и пловидбата на фериботовите кои ги поврзуваат азискиот и европскиот брег на Бофорот. Слични мерки биле преземени и во другите градови низ Турција, каде од утринските часови на стратешките позиции се распоредени припадници на специјалната полиција.
И во главниот град Анкара полицијата разбила собир во паркот Гувен на плоштадот Кизилај во близина на зградата на турската влада, каде што пред една година од огнено оружје загина 26-годишно момче во текот на протестите, за што е обвинета полицијата. Демонстрантите се оглушиле на повторените наредби да го напуштат паркот и областа, по што полицијата употребила солзавец и водени топов. Неколку рупи од по неколку десетици демонстранти се засолнале во блиските улички и од таму продолжиле да ја гаѓаат полицијата со разни предмети. Над престолнината патролираат полициски хеликоптери за проценка на ситуацијата.
Медиумите јавуваат дека слична е ситуацијата во Адана, каде што десетици луѓе ја блокирале централната авенија во градот, по што полицијата применила сила. Мирни протести се одржале и во Бурса, Ескишехир и Измир.
Неколку часа пред почетокот на протестите во Истанбул на повик на невладините организации, синдикатите и активисти на цивилниот сектор, премиерот Ердгован предупреди дека силите за спроведување на редот ќе сторат сѐ што е потребно за да ги спречат протестите. „Нема да можете да го заземете Таксим како минатата година, бидејќи мора да го почитувате законот”, порача Ердоган пред илјадници свои приврзаници.
Она што почна како мал еколошки протест против преуредувањето на истанбулскиот плоштад Таксим за што требаше да бидат турнати повеќе стотици стебла во блискиот парк Гези, во јуни минатата година прераснаа во серија жестоки протести ширум земјата против премиерот Реџеп Тајип Ердоган, кого противниците го обвинуваат за се` поголема авторитарност и протежирање на исламските конзервативни вредности. Во тие протести, најголеми антивладини во десетгодишното владеење на Ердоган и неговата Партија на правото и развојот, загинаа вкупно осум лица, од кои еден полицаец, а повеќе од пет илјади беа повредени. Протестите ширум земјата главно замреа, но по некој изолиран протест до денес сѐ уште се одржува во Истанбул и во турската престолнина Анкара./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.