Регион
Албанската опозиција против посетата на Рама во Белград, Приштина го охрабрува
Најголемата опозициска партија во Албанија, Демократската партија побара од премиерот Еди Рама да не патува за Белград на 22-ри октомври, додека косовскиот премиер Хашим Тачи оцени дека премиерот на Албанија не треба да се плаши и треба да ја реализира закажаната посетата.
Најголемата опозициска партија во Албанија, Демократската партија побара од премиерот Еди Рама да не патува за Белград на 22-ри октомври, додека косовскиот премиер Хашим Тачи оцени дека премиерот на Албанија не треба да се плаши и треба да ја реализира закажаната посетата.
Албанската опозиција е против оваа посета на премиерот Еди Рама на Србија, бидејќи смета оти се можни и инциденти, нагласи во пренесувањето на ставот на Демократската партија поранешниот министер за надворешни работи, Алдо Бумчи.
Додаде дека одредени изјави на високи српски раководители кои повикуваат и на војна се сосема јасна порака за Рама да ја откаже посетата на Белград.
„Во овие услови по тешкиот инцидент, нема клима за посета на Белград од страна на еден албански премиер“ рече Бумчи и притоа додаде дека со оваа посета не може да се оствари целта. Посетата би била на штета на Албанија, оцени Бумчи.
Косовскиот премиер Хашим Тачи, пак, својот став го пренесува на социјалната мрежа Facebook во која покрај другото наведува дека албанскиот премиер Рама претставува една држава која е членка на НАТО која никогаш нема да дозволи закана за Албанците на Балканот.
Тој оценува дека треба да се има контакти со соседите и оти од дијалогот не треба да се има страв.
„Западен Балкан веќе е во фаза на целосно интегрирање во евроатлантските интеграции кои во основа го имаат соживотот на луѓето“, пишува косовскиот премиер Хашим Тачи.
Инаку актуелниот градоначалник на Приштина, Шпанд Ахмети, од движењето Самоопределување, му порача на Рама, и пред и по инцидентот, да не патува во Србија, бидејќи прво треба Белград да го признае Косово./крај/мф/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.