Регион
Американски конгресмен порача дека Косово ќе биде во ЕУ и НАТО
Американскиот конгресмен Елиот Енгел во четвртокот на свечената седница на косовскиот парламент порача дека Косово ќе стане дел од ЕУ и НАТО бидејќи нема ниедна причина за ова да не се случи.
Во однос на формирањето на Специјалниот суд за злосторствата на поранешната Ослободителна војска на Косово (ОВК – УЧК) во Приштина, тој изјавил дека судот секако ќе биде формиран, додавајќи дека прашањето е само дали тоа ќе биде направено од косовскиот парламент или, пак, од Советот за безбедност на ОН.
Енгел изјавил дека Косово направило многу работи што некои други земји не биле во состојба да ги направат, но и дека останува уште многу што треба да се направи во полињата на борбата против корупцијата и економскиот развој.
„На секој што доаѓа во мојата канцеларија му објаснувам зошто Косово треба да биде признаено и дека треба да стане член на ОН“, рекол Енгел, кој се обратил на свечената седница посветена на 25-годишнината од усвојувањето на уставната декларација во тогашниот косовски парламент.
Косовските пратеници пред 25 години ја усвоија уставната декларација со која Косово го прогласија република во рамкитен на тогашната СФРЈ. Потоа косовските пратеници во Качаник на 7-ми септември го усвоија уставот на Косово, по што следеше и референдумот за независноста на „Република Косово“ во септември 1991-та година. Во мај следната 1992-ра година пак беа одржани парламентарни избори за паралелни структури на власт на Косово./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ во ОН: Курти денес не е во Њујорк оти води тајна кампања во Северна Македонија
За време на седницата на Советот за безбедност на Обединетите нации посветена на шестмесечниот извештај на генералниот секретар на ОН Антонио Гутереш за работата на УНМИК, српскиот претседател Александар Вучиќ го обвини лидерот на движењето Самоопределување, Аљбин Курти за мешање во внатрешните работи на Македонија.
Вучиќ истакна дека Курти не бил присутен на седницата во Њујорк бидејќи бил зафатен со водењето на изборната кампања на неговата партија во соседна држава.
Вучиќ изрази изненаденост од тоа што, според него, најпопуларен политичар во Македонија е претседателот на Србија, иако нема кампања во таа земја.
Тој посочи дека како претседател на Србија се извинува за постапките на, како што го нарече, српскиот граѓанин Аљбин Курти и истакна дека мешањето во внатрешните работи на Северна Македонија не е политика на Србија, туку постапка на неодговорен граѓанин.
Регион
Уапсена државјанка на Јужна Африка, осомничена дека ја убилa мајка си во Црна Гора
Јужноафриканска државјанка е уапсена под сомнение дека утрово ја убила својата мајка во Пераст.
Полициската управа соопшти дека медицинскиот персонал на Здравствениот дом во Котор пријавил во полиција дека во станбена зграда во Пераст е пронајдено безживотно тело на жена, а таму била пронајдена и нејзината ќерка Н.Л.Т., пренесува Вијести.
„Полицијата излезе на местото на настанот каде е утврден идентитетот на починатата, а преземени се мерки и дејствија за утврдување на фактите и околностите под кои настапила смртта“, се вели во соопштението на полицијата.
Оттаму додаваат дека увид на лице место е извршено во присуство на обвинител од Вишото државно обвинителство во Подгорица, како и службеник од Центарот за судска медицина.
„По преземени сеопфатни истражни дејствија, припадниците на полицијата дошле до сомнение дека сторител на ова кривично дело е Н.Л.Т. и таа е лишена од слободата.
Регион
Османи: Белград ја спречува интеграцијата на Србите во институциите на Косово
Косовската претседателка Вјоса Османи упати низа обвинувања за Србија на седницата на Советот за безбедност (СБ) на Обединетите Нации (ОН) посветена на Косово.
Османи обвини дека Белград ја спречува интеграцијата на Србите во институциите на Косово.
Таа изјави дека Србија ја заплашува српската заедница на северот на Косово, а како пример го наведе неодамнешното апсење на косовски полицајци во Србија, пренесува „Радио Слободна Европа“.
Османи обвини и оти Србија претходните денови на граница задржувала автобуси со патници од албанска националност.
Владата на Косово претходно овие постапки ги оцени како одмазда на Србија за поддршката дадена од Парламентарното собрание на Советот на Европа за членството на Косово во оваа организација.
„Србите во Косово се под притисок, но од страна на властите во Србија“, рече Османи.