Регион
Анкара: Уапсениот за терористичкиот напад во Бангкок не е турски државјанин
Лицето кое е притворено во врска со терористичкиот напад во тајландската престолнина Бангког, имал фалсификуван турски пасош и не е државјанин на Турција, изјави во средата претставникот на турското министерство за надворешни работи, Танжу Билгич.
Во експлозијата од 17-ти август во посетуваниот деловен и туристички кварт на Бангкок пред познатото хиндуистичко светилиште Ераван, загинаа 21 лице и уште 123 беа ранети, од кои најмногу странски туристи од кои најбројни се кинески. Според, досегашните извештаи, во истрагата на тајландската полиција досега е приведен најмалку еден државјанин на Турција.
„Бевме информирани од тајландските власти за апсењата на осомничени за нападот, кај едниот од нив бил откриен турски пасош. Медиумите известуваа дека тој е државјанин на Турција. Сепак, дури и според фотографијата јасно е дека пасошот е лажен, и нашиот амбасадор на Тајланд потврди дека тоа лице не е државјанин на Турција“, изјави Биглич за медиумите.
Додаде дека турските власти се во тесни контакти со органите на прогонот во Тајланд, во истрагата на терористичкиот напад во Бангкок.
Според тајландските медиуми, досега во врска со експлозијата се приведени осум осомничени, од кои седум се странски државјани а еден е жител на Тајланд. На јавноста ѝ е познат идентитетот на тројца од нив, и тоа кај двајца се најдени турски пасоши а кај едниот на Кина.
Претходно беше објавено дека во неколку станови кои ги изнајмила Тајланѓанка која живеела во Истанбул во Бангкок живееле повеќе лица, а оти во становите се најдени турски пасоши, претежно лажни, и материјали за подготвување експлозивни направи.
Сомнежите одат кон припадници на туркофонската етничка заедница Ујгури чии стотици сонародници беа депортирани од Тајланд во Кина од каде што бегаат, како што велат поради репресија на тамошните власти, додека Пекинг ги обвинува за сепаратизам и извршување терористички напади од позиции на радикален исламизам./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.