Регион
Атина: Заканите на кредиторите за Грција се насочени против цела Европа
Грчкиот министер за финансии, Јанис Варуфакис, вели дека Атина цврсто одговорила со „не“ на сите барања на кредиторите за продолжување на политиката за затегнување на ременот, и покрај заканите за позицијата на Грција во еврозоната, како и дека заканите на доверителите не се насочени само кон Атина, туку и кон целата Европа.
Од самиот почеток на преговорите за продолжување на програмата на финансиска помош за Грција, при што доверителите од тамошната влада на радикалната левица бара претставување веродостоен план на реформи кои мисли да ги спроведе, министерскиот кабинет на премиерот Алексис Ципрас изразува решителност повеќе да не ги применува политиките на штедење, поради што и победи на изборите на 25-ти јануари годинава. Варуфакис го потврдил овој став во споменатото интервју, велејќи дека доколку партнерите и институциите (кредиторите) инсистираат на пожестоки мерки за штедење во земјата, којашто веќе претрпела големи штети од најтешката криза во историјата на земјата, тогаш владата доследно ќе одговори со „не“, порачуваат извори од грчкото министерство за финансии повикувајќи се на изјава на Варуфакис.
„И доколку ни се заканат со неформални дејствија, коишто ќе ја стават Грција во неповолна позиција во еврозоната, тогаш тие тоа го прават против интересите на Европа. Грчката влада не блефира. Таа цврсто ги брани интересите на земјата и демократската традиција на Европа“, го цитира Варуфакис извор во грчкото министерство за финансии дел од разговорот на министерот воден со грчки новинар по интервјуто за француското списание Philosophie.
Варуфакис, по средбата на Еврогрупата (министрите за финансии на земјите од еврозоната) во петокот во Рига, на која на Грција ѝ беше порачано дека нема биде продолжено финансирањето на нејзиниот долг сé додека не го договори новиот план со реформи кои смета да ги направи, изјави дека е оптимист и покрај разликите. Сепак, „грчката влада по барање на доверителите нема да се согласи со барањата за кастрење на пензиите и други мерки кои водат кон намалувањето на животниот стандард“, додал министерот.
Истовремено Варуфакис признава дека преговорите одат многу тешко. „Атмосферата беше напната. На крајот од преговорите позициите стануваа тврди. Ќе биде тешко да се дојде до решение, но ќе го има“, вели Варуфакис.
Го критикува начинот на кој се одвива преговарачкиот процес, односно многу министри за финансии од еврозоната, како што се покажало, не се запознаени со предлозите на Грција за реформите. Тие не ги доставиле до членовите на техничките експертски групи, тврди Варуфакис.
„Во Бриселската група не се претставени министрите за финансии, и кога мојот австриски колега вели ‘јас ништо не видов’, тој е во право. Тоа не е процедурално прашање, туку суштествено. Тоа е урнек за работата во еврозоната. Преговорите се водат во Бриселската група, ги давате предлозите во Бриселската група, а министрите за финансии немаат ни најмалку претстава, а потоа доаѓаат на состанокот на Еврогрупата, за време на преговорите и велат дека ги немаат предлозите. Тоа што ние го правиме…, не води никаде“, тврди Варуфакис.
Според него, „ние не сакаме да наметнувам каков и да е процес, ние сакаме преговорите да се водат во Бриселската група. Но истовремено јас би сакал, и размислувам, дека моите колеги министри за финанси, знаеле што се случува“. „Истовремен министрите за финансии јавно немаат претстава за напредокот (…), тоа не се однесува на нив“, тврди грчкиот министер за финансии.
Вруфакис истовремено вели дека најмногу од сé разочарувачки и фруструрачки делува фрагментацијата на разговорите. „Зборуваме за нешто, а потоа минуваме на друга тема, без да ја решиме првата. Секога кои и да дадеме предлози, на пример за осигурувањето, за буџетските приходи, нé критикуваат. Јас велам ‘прекрасно, вам не ви се допаѓа мојата идеја, а каква е вашата?’ Нема одговор. Одиме на следното прашање“, појаснува.
На прашањето дали сегашната ситуација претставува опасност за Грција, министерот вели „И тоа како е опасна. Но и за цела Европа таа е опасна. Настојуваме да ги убедиме во тоа“.
На забелешката на грчкиот новинар дека против Грција има заговор, Варуфакис вели „Тоа е вистина… Секогаш сум оптимист, бидејќи во наш заеднички интерес е да се дојде до разумен договор, да се стави крај на кризата тука а не да се потхранува. Тоа е во нашите заеднички интереси“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.
Регион
„Дете не може само така да пропадне во земја“ – соседот на исчезнатата Данка опиша што се случувало кобниот ден
Се вратив од училиште околу 14 часот, а половина час подоцна дојдоа две-три полициски патроли, ги следев да видам што се случува и дознав дека детето го нема. Вака Лука од Бор зборува за моментот кога исчезна девојчето Данка Илиќ (2).
Како што вели, кобното попладне веднаш се приклучил на полицијата во потрага по детето.
„Тука бевме до 22:30 часот. После тоа дојдоа уште дваесет патроли. Следната вечер пристигнаа два-три хеликоптери, како и беспилотни летала за термално снимање и кучиња трагачи. Таму беа бабата, мајката и дедото и малиот брат на Данка. Сите добро ги познавам“ изјави Лука, пренесува „Блиц.рс“.
Тој потсети дека семејството на девојчето живее во Бор и дека дошле во Бањско поле бидејќи таму имаат викендица.
„Се надевам на најдоброто. Се молам на Бога девојчето да е живо и здраво. Отпрвин мислевме дека, не дај Боже, паднала или нешто слично, но нема ништо“, вели соседот на семејството на исчезнатото девојче.
Потоа ја коментираше изјавата на мајката на Данка за исчезнувањето на нејзината ќерка.
„Сите велат дека отишла да земе вода. Детето не можело да пропадне во земја. Кога стигнав, мајката на Данка беше во солзи, како и нејзината баба. Бабата беше навистина потресена. Цел ден плачеше во автомобилот. Вечерта дошла Итната помош и и дала седатив за висок притисок. Подоцна ја однеле во итната медицинска помош“, вели младниот човек.
На прашањето дали мисли дека девојчето можеби е киднапирано, тој вели во тоа верува 100 отсто.
„Ако не е тука, не знам каде би можела да биде. Оваа улица не е прометна. Не знам како се случи“, заклучува Лука.
„Блиц“ потсетува пред фармата на која исчезна девојчето Данка Илиќ (2) во Бањско поле кај Бор, пристигна багер – комбајн за да може полицијата да го расчисти имотот. Во исто време, припадници на МУП повторно ги пребаруваат шахтите и јамите во споменатата населба. Сето тоа со цел да се најдат материјални докази кои ќе помогнат во пронаоѓањето на Данка. Багерот подоцна се преселил на имотот преку улицата, каде што собира дрвја и гранки.
Родителите на исчезнатата Данка Илиќ денеска во текот на денот се приведени во полиција за да го продолжат распитот кој вчера започна во полициската станица во Бор во врска со исчезнувањето на нивната двегодишна ќерка.
Неколку припадници на полицијата го раскопуваат просторот пред дворот каде девојчето исчезна пред точно два дена. Областа се бара за какви било траги.
Регион
„Во семејството не смее да постои ниту една тајна, верувам дека детето е со некого и дека не е надвор“: Јуриќ за случајот со исчезнатата Данка
Основачот на Центарот за исчезнати и малтретирани деца, Игор Јуриќ, учествувајќи во емисија во живо, кажа нови детали од истрагата за случајот со исчезнатата Данка Илиќ објаснувајќи зошто потрагата на терен била прекината по 27 часа.
„Не, тоа апсолутно не значи дека некои работи се откриени, напротив, значи само дека нема потреба да се троши работна сила и да се насочува енергија кон тој дел од теренот, кој е целосно и темелно прегледан. Штом немаме дополнителни информации, истрагата продолжува, сега истрагата тргна во друга насока и се вршат некои оперативни дејства поврзани со сознанијата за самото девојче“, изјави Јуриќ.
Тој вели дека во случаите на исчезнување на детето родителите мора да споделат сè со полицијата, дури и најинтимните семејни тајни, кои може да бидат важни во тие моменти.
„Кога зборуваме за овие ситуации, кога детето ќе исчезне, едноставно, не смее да има никакви тајни во семејните односи, напротив, треба целосно да ѝ помогнете на полицијата. Ако имате каква било ситуација што може да доведе до несакан настан, во случајот исчезнување мало девојче, мора да кажете сè што знаете“.
Основачот на Центарот за исчезнати и малтретирани деца вели дека во деновите кога не знаеле каде е ќерка му Тијана Јуриќ посакувал некој да излезе и да побара откуп.
„Навистина верувам и го чекам соопштението на полицијата за да видам кое е конечното решение за оваа драма, но, дефинитивно, бев среќен што детето не беше пронајдено на тој простор, особено таа прва вечер бидејќи тешко дека детето може да преживеало таму во тие услови. Кога исчезна Тијана, се надевавме дека некој ќе ни побара откуп и дека е жртва на киднапирање, некако сега се надевам дека има шанси детето поради некоја причина да е со некои луѓе и да е уште живо. Таа надеж постои во нашите глави, но од нашето искуство мораме да бидеме подготвени за најлошите вести.
Според него, добро е што е пребарана областа и последната надеж е дека некој е вмешан и дека детето е скриено поради некоја причина.
„Сега очекувам дека оперативците на МУП ќе завршат добра работа и дека, конечно, ќе ја дознаеме вистинската вистина.
Игор Јуриќ зборуваше и за активирање на системот „Најди ме“.
„Системот го активираат началниците на полициските одделенија, во случајот тоа беше полициското одделение каде што детето исчезна. Кога ќе се процени дека детето е во опасност, системот се активира. Она што беше специфично во овој случај е дека детето е екстремно мало, самите околности беа многу чудни и полицијата бргу реагира и поради возраста на детето, темелно го пребара теренот.
„Полицијата се погрижила да не го загрози дополнително животот на детето и да ги истражи сите околности, детето да не биде жртва на киднапирање, да не се бара откуп и слично, затоа системот бил активиран околу 7 часот“, објаснува тој.