Регион
Б92: ЕУ со нови услови за Србија?
Српскиот министер за надворешни работи Ивица Дачиќ смета дека не е ништо ново тоа што пред Србија, кога и да исполни еден голем услов во приближувањето кон Европската унија (ЕУ), се поставуваат нови и потешки услови, пишува Б92.
Претседателот на собраниската комисија за евроинтеграции, Александар Сениќ, изјави дека не постојат дополнителни услови, за какви што говори Дачиќ, и дека Србија треба да се држи до својот европски пат.
Дачиќ, исто така, додава дека бил погрешно цитиран од српските медиуми кои ја објавија неговата наводна изјава дека „дури и Србија да го признае Косово, таа сепак нема да биде примена во ЕУ“.
На прашањето да ја искоментира изјавата на српскиот претседател Томислав Николиќ дека „доколку Србија го признае Косово, за еден месец ќе влезе во ЕУ“, Дачиќ одговора дека „нема, поради тоа што секогаш ќе постојат некои нови услови“. „Чекајте, јас одговорив на прашањето дали за месец Србија ќе влезе во ЕУ“, објасни српскиот министер за надворешни работи.
Тој, сепак, не демантира дека пред Србија се поставуваат нови услови, кои ги нарекува движечки цели. Дачиќ прашува зошто сега се говори за 11-те точки утврдени од германскиот парламент, кога со Србија беше договорено дека за отворање на поглавјата од пристапните преговори, најпрво е неопходна имплементација на Бриселскиот договор.
„Јас го потпишав Бриселскиот договор. Каква врска има мостот во Косовска Митровица и Паркот на мирот со Бриселскиот договор? Како е тогаш услов за отворање на поглавјата имплементацијата на Бриселскиот договор? Не е! Тогаш кажеште дека условот не е само Бриселскиот договор, туку и дополнителните точки. Тоа е чесниот однос кој го бара Србија. Јас имам право да го кажам ова бидејќи сум министер за надворешни работи на Србија, а не претставник на ЕУ“, наведува Дачиќ.
„Мислам дека нема никакви нови услови. Претпоставувам дека давањето вакви изјави е седење на две столици, па кога нас двете столици ќе ни се тргнат, тогаш некој друг е виновен“, изјавил претседателот на собранискиот одбор за евроинтеграции, Александар Сениќ.
Шефот на собранискиот комисија за Косово, Милован Дрецун, пак, смета дека Србија, како членка на ЕУ, е во интерес на Западот и тоа е главната потпора на Балканот, но не ја исклучува можност за дополнителни притисоци.
„Во таа смисла постојат граници до кои Србија може да ги прифаќа новите барања. Преку тие граници директно се нарушуваат нашите витални национални и државни интереси. И не може ниедна сериозна влада да оди самата против себе“, истакнува Дрецун.
И покрај додавањето новите услови, што според зборовите на шефот на српската дипломатија Дачиќ, не е чесен однос кон Србија, во интерес на земјата е да стане членка на ЕУ, заклучува Б92./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Полицаец од Бор е приведен поради давање информации за исчезнувањето на девојчето
Полицаец од Бор е приведен поради давање информации од истрагата за исчезнувањето на девојчето Данка Илиќ (2).
Не се знае за какви информации станува збор и кому полицаецот ги дал, но се работи за информации од истрагата кои евентуално би можеле да ја загрозат.
Се уште трае потрагата по двегодишното девојче Данка Илиќ од околината на Бор, чие исчезнување беше пријавено во вторникот.
Се претресуваат куќи и населба, се расчистува дворот.
Две специјалистички екипи за спасување од урнатините од Белград и Нови Сад започнаа детално пребарување на просторот околу куќата, соопшти полицијата.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.