Регион
Бами: Челниците на ЕУЛЕКС се дружат со косовските мафијаши
Суспендираната обвинителка на ЕУЛЕКС, Марија Бами изјавила дека во моментов таа е под истрага „наместо на ЕУЛЕКС“, тврдејќи дека челниците на оваа мисија се дружат со мафијашите и политичарите на Косово.
Суспендираната обвинителка на ЕУЛЕКС, Марија Бами изјавила дека во моментов таа е под истрага „наместо на ЕУЛЕКС“, тврдејќи дека челниците на оваа мисија се дружат со мафијашите и политичарите на Косово.
Бами додала дека сега се соочува со истрага, поради тоа што „се обидела од внатрешноста на институциите на ЕУЛЕКС да ја исправи грешката во мисијата“.
„Јавно проговорив само тогаш кога ги исцрпив сите опции“, изјавила Бами во интервју за сараевски Dnevni avaz.
Таа изразила разочарување поради тоа што сега „таа е под истрага, иако барала да се истражат нејзините наоди“, и истакнала дека челните луѓе на ЕУЛЕКС често се дружат со косовските мафијаши и моќни политичари.
Според Бами, шефот на Специјалното одделение на ЕУЛЕКС, Џонатан Рател „не бил заинтересиран за истрагата околу финансискиот криминал и целосно ја уништил таа истражна единица во мисијата“.
„Откако ме суспендираше мене, никој повеќе не се бави со финансиски криминал во ЕУЛЕКС“, рекла Бами.
Таа тврди дека укажувала на бројни нерегуларности во работата на ЕУЛЕКС, и дека добила и „некои пресретнати разговори кои ги потврдувале нејзините сомневања, и дека шефот на Правното одделение требало да ги истражи активностите на обвинителката Јарослава Новотни и судијата Франческо Флори, но до тоа никогаш не дошло“.
Бами рекла дека наишла и на докази оти криминалците му давале пари на судијата Флори за да ги ослободи во случајот со фрлањето на бомба врз кафаната „Клинтон“, но „ЕУЛЕКС не сакал тоа да го истражи“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.