Регион
Борисов: Подготвен сум да преземам ризик за формирање влада
Поранешниот бугарски премиер Бојко Борисов, чија партија Граѓани за европски развој на Бугарија (ГЕРБ) победи на предвремените парламентарни избори кои се одржаа во неделата, порача дека е подготвен да преземе „секаков ризик“ во врска со формирањето на владата.
Поранешниот бугарски премиер Бојко Борисов, чија партија Граѓани за европски развој на Бугарија (ГЕРБ) победи на предвремените парламентарни избори кои се одржаа во неделата, порача дека е подготвен да преземе „секаков ризик“ во врска со формирањето на владата.
Подготвен сум да ги преземам сите ризици да ја водам земјата. Ги повикам останатите лидери на партиите смирено да ги разгледаат работите, да остават неколку дена и да не даваат категорични изјави“, изјави Борисов, пренесува AFP.
Според првичните резултати, ГЕРБ на изборите освои околу 33 проценти од гласовите, што, сепак, не претставува мнозинство од гласовите, а на нејзиниот главен противник, Бугарската социјалистичка партија (БСП), и’ припаднале околу 16 проценти од гласовие.
Проценките велат дека Бугарија најверојатно повторно ќе има коалициска влада, пренесува Reuters.
Бугарские граѓани на изборите бираа 240 пратеници за новиот состав на Народното собрание (парламентот), а ова ќе биде петта бугарска влада во последните две години, за време на кои земјата се соочи со масовни улични протести и незадоволство. Поради разочарувањето на граѓаните, излезноста на овие избори беше под 50 проценти, најмалата во последните 25 години, откако во Бугарија беше тргнат комунистичкиот режим.
Борисов претходно изјави дека овие избори се „последна шанса“ за спас на Бугарија и предупреди дека доколку новата влада не биде формирана и повторно бидат распишани избори, нема да остане ништо што би можело да ја одржи земјата.
Техничката влада која ја имаше поддршката од коалицијата предводена од бугарските социјалисти владееше во земјата до јули, а периодот кој го мина на власта беше одбележан со катастрофалните поплави, спорот со снабдувањето со рускиот гас и масовните протести на граѓаните.
Борисов беше премиер на Бугарија од 2009 година до февруари 2013 година кога поради масовните протести поради сиромаштијата и високите цени на енергенсите поднесе оставки, потсетува AFP.
На предвремените избори во мај 2013 година, ГЕРБ повторно ја однесе победата, но Борисов не можеше да формира влада, па затоа социјалистите формираа техничка влада, на чие чело беше Пламен Орешарски.
Лидерот на ГЕРБ, 55-годишниот Борисов, е поранешен пожарникар и телохранител на бугарскиот цар Симеон и на комунистичкиот лидер Тодор Живков, а во 2005-та година беше избран за градоначалник на Софија./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.