Регион
Бројот на жртвите во пожарот во ноќниот клуб во Букурешт се искачи на 60
Бројот на жртвите во пожарот во ноќниот клуб во романската престолнина се зголеми на 60, откако на клиника во Виена починало 19-годишно момче кое настрадало во инцидентот во центарот на Букурешт ноќта кон 31-ви октомври, соопштија од романското министерство за здравство.
Според романските здравствени власти, во моментов уште 28 повредени, чијашто состојба се оценува како критична, се наоѓаат на лекување на клиники во Холандија, Норвешка, Швајцарија, Австрија, Белгија, Германија и Израел. Овие земји одговорија на барањето на романските помош поради скромните капацитети во земјата. За жал, некои од повредените не успеаја да го издржат транспортот и починаа на пат до споменатите клиники.Јавноста во Романија им забележува на властите за бавност во процедурата за транспортирањето на дел од најзагрозените пациенти во странските далеку подобро опремени болници.На клиниките во Букурешт во моментов се згрижени 40 настрадани, од кои 10 се во критична состојба, а другите се стабилно, соопшти романското министерство за здравство. Веднаш по пожарот беше потврдено дека 27 лади луѓе ги загубиле животите на самото место, а уште 200 лица се хоспитализирани со различни степени на повреди, и оттогаш во изминатите три седмици бројот на смртно настраданите секојдневно се зголемува. Истовремено, од букурешките болници на домашно лекување се пуштени неколку лица.Според досегашните сознанија на истрагата, причина за пожарот било користење на пиротехнички средства, во текот на концертот во ноќниот клуб сместен во подрумски простории, без соодветни дозволи за исполнување на безбедносните стандарди и за организирање забави. Од него се запалиле запаливите материјали со кои биле обложени ѕидовите и таванот, а околу 400 лица се упатиле кон единствениот во тој момент отворен излез, поради што најмногу од жртвите починале во стампедото или од задушување.Во врска со најголемата трагедија којашто се случи во романската престолнина во повеќе од две децении, е уапсен Кристијан Попеску Пиедоне, началник на 4-от округ на Букурешт, во кој се наоѓаше дискотеката.Трагедијата којашто доведе до масовни протести и оставка на премиерот Виктор Понта, се случи во клубот „Colectiv“ кога романскиот хардрок бенд Goodbye to Gravity го промовирал својот нов албум, чии тројца музичари починаа од последиците на повредите, а другите двајца се хоспитализирани. Ноќниот клуб, отворен во поранешна фабрика за обувки во центарот на Букурешт, на само еден километар од зградата на романскиот парламент, немал потребни дозволи за организирање концерти, како ни за употреба на пиротехника. Тројцата сопственици на клубот во вторникот беа притворени. Според, главниот обвинител Тибериу Ницу, тие се соочуваат со доживотни затворски казни. Во исказите пред судот тие признале дека клубот бил опремен со лесно запалливи материјали и оти немале дозвола за употреба на пиротехника./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти EMSC.
Земјотресот е регистриран на Крит, на 62 километри од Ираклион, на длабочина од 16 километри.
Земјотресот е регистриран во 12:37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала, по што следеа афтершокови.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.
Регион
(Видео) Конфликт меѓу српска ТВ-екипа и вујкото на Данка: „Удри го, добро е за рејтингот“
Четврти ден од потрагата по двегодишната Данка Илиќ, а на социјалните мрежи е објавено скандалозно видео снимено пред куќата каде што исчезна девојчето, објави хрватски „Индекс“.
Новинар и снимател на српски „Информер“ пристигнале пред куќата на вујкото на Данка, каде што се случил помал инцидент. Пред нив излегол маж, кој се претставил како вујко на Данка, и им рекол да си одат оти немаат причина да бидат пред куќата.
Им рекол да ја исклучат камерата или ќе повика полиција. Репортерот и снимателот не го послушале, а најскандалозниот дел од целата ситуација е што водителите во студиото предложиле нивната екипа да го удри вујкото на Данка и дека тоа би било добро за рејтингот.
Mučna situacija svakako, otišli da snimaju porodičnu kuću nestale devojčice. Pojavio se njen ujak i negoduje.
Poslušajte razmišljanje i želju urednika iz studia, od 0:52 do 1:03.
Prokletnici. pic.twitter.com/YnJDuXKV6W— 𝙁𝙀𝙍𝙈𝘼𝙉 (@Fermantwiit) March 27, 2024
Од студиото на ТВ „Информер“ во еден момент велат: „Удри го Рафа, удри го!“ и додаваат дека ќе биде добро за „шерот“ (удел во вкупна ТВ-гледаност).
„Сега кога Рафа ќе го забоде, ќе видите“, велат од студиото, се слуша во директниот пренос.