Регион
Бугарија и Русија може да се вратат на проектот Јужен тек
Бугарија и Русија можат да се вратат на замрзнатиот енергетски проект Јужен тек, изјавил бугарскиот премиер Бојко Борисов.
Минатиот петок рускиот претседател Владимир Путин имал телефонски разговор со бугарскиот премиер Бојко Борисов, при што била дискутирана билатералната соработка, со акцент на реализацијата на заедничките енергетски проекти.
„Бугарија и Русија се договорија да формираат работни групи за востановување на руските енергетски проекти, вклучително и изградбата на гасоводот Јужен тек“, го цитира во понеделникот агенцијата Bloomberg бугарскиот премиер Бојко Борисов.
Меѓу другите проекти, за чијашто иднина ќе разговараат работните групи на двете земји се и изградбата на нуклеарната централна „Белене“ која беше запрена во 2009 година,
Бугарската државна енергетска компанија НЕК мора да исплати речиси 550 милиони евра компензација на руската „Атомстројекспорт“ поради откажувањето на градењето на нуклеарната централа Белене, објавија во средината на јуни годинава бугарските власти. Бугарскиот премиер Бојко Борисов изјави дека пресудата на арбитражниот суд значи дека НЕК мора да ја плати цената на еден нуклеарен реактор, како и оти во соработка со „Атомстројекспорт“ да одлучи што натаму.
Руската државна компанија „Росатом“, задолжена за проектот, соопшти дека е задоволна од пресудата, донесена на судот во Женева под покровителство на Меѓународната трговска комора во Париз. Русија инаку во 2012 година на милијарда евра го зголеми отштетното барање против Бугарија поради откажувањето на договорот со кој изградбата на новата нуклеарна централа.
Во 2008 година Бугарија потпиша договор со „Атомстројекспорт“ за градење два реактора од илјада мегавати во гратчето Белене на Дунав. Под притисокот на ЕУ и САД Софија се откажа по четири години откако не успеа да најде западни инвеститори за проектот проценет на меѓу 6,5 милијарди евра.
Русија во декември 2014 година објави дека се откажува од гасоводот Јужен тек, кој требаше да минува низ териториите Бугарија, Србија и Унгарија, со крак и во Македонија, во полза на новиот гасовод Турски тек, кој потоа исто така беше замрзнат поради заладувањата на политичките односи меѓу Москва и Анкара.
Путин на 1-ви декември 2014 година објави дека поради заострувањето на односите на релација ЕУ-Русија нема да се реализира проектот Јужен тек, според чиј Трет енергетски пакет е забрането една компанија да го произведува и транспортира гасот, иако во неговата реализација беше вклучена и италијанската компанија Eni. Проектот за гасоводот беше проценет на 15,5 милијарди евра и предвидуваше доставување на природниот гас до јужна Европа, со заобиколување на Украина, во обем од 67 милијарди кубни метри гас на годишно ниво, а за негов јазол беше предвидена Бугарија.
Бугарија, која е членка на Европската унија и на НАТО, е под голем притисок од Брисел и Вашингтон да ја намали својата енергетска зависност од Русија. Но тоа ја доведе земјата во незавидна состојба, бидејќи другиот нуклеарен проект „Козлодуј“ не може да биде остварен откако американскиот партнер објави дека не учествува во него./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2) за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото и дека сѐ уште го чека извештајот од обдукцијата на синот.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го скрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за „Нова.рс“ изјави дека никој не дошол кај неа да ѝ каже дека син ѝ е претепан, туку дека само полицаецот дошол да ја извести за погребот.
„Не се сомневам дека ќе се дознае кој го убил, од Бор се. Извештајот од обдукцијата сѐ уште не сум го добила, па се надевам дека ќе открие сѐ“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала оти Драгијевиќ починал со насилна смрт, а доказ за тоа се многуте повреди што ги имал на телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“, Дејан Драгијевиќ и Срѓан Јанковиќ, под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го скрие телото на детето.
Телото на Данка сѐ уште не е пронајдено.