Регион
Бугарија ја пријави Србија пред Советот на Европа
Бугарските власти пријавија пред надлежните органи дека Србија ниту по 16 месеци не одговори на барањето за екстрадикција на бугарскиот бизнисмен и сопственик на фабриката за стакло во Параќин, Цветан Василев, кој во Бугарија е обвинет за проневера.
Бугарскиот обвинител Сотир Цацаров побара од Генералниот секретаријат на Советот на Европа и од европскиот комитет за криминал итно да ја разгледаат информацијата за потешкотиите во примената на Европската конвенција за екстрадиција во врска со барањето за екстрадиција на Василев во Бугарија.
Барањето е поднесено поради тоа што бугарската страна се уште не добила конкретен одговор на барањето за израчување на Василев, кое го поднесе поред една година и четири месеци, ниту на дополнителното барање упатено пред осум месеци.
Василев е обвинет за проневера на 206 милиони лева (околу 100 милиони евра) од Корпоративната комерцијална банка, каде што беше главен акционер.
Апелациониот суд во Белград на 11 март 2015 година го укина решението за екстрадиција на Василев во Бугарија и му наложи на Вишиот суд да ја повтори постапката за утврдување на претпоставката за негова екстрадиција.
На почетокот на декември 2015 година бугарските медиуми јавија дека судовите во Швајцарија и Бугарија му блокираа на Василев над 300 милиони евра како обезбедување во случај на нови тужби против него и неговото семејство. /крај/мф/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.