Регион
Бугарија ќе основа посебно тело за борба против корупцијата
Следејќи го примерот на Романија, и Бугарија ќе основа посебна единица за борба против корупцијата, во обид да се ослободи од негативниот углед како една од најкорумпираните европски држави.
Следејќи го примерот на Романија, и Бугарија ќе основа посебна единица за борба против корупцијата, во обид да се ослободи од негативниот углед како една од најкорумпираните европски држави.
Корупцијата ја уништи довербата на бугарскиот народ во јавните институции и веќе се години го отежнува нивното рабоење. Брисел повеќепати ги критикуваше бугарските власти поради тоа што не успејаа да ја запрат корупцијата што се случува на високо ниво, како и реформирањето на своето споро и неефикасно правосудство. Ова се главните причини поради кои Бугарија во моментов не може да стане дел од Шенген зоната.
Новата единица за борба против корупцијата ќе се состои од обвинители, истражувачи и инспектори и ќе биде оперативна најдоцна до почетокот на 2016 година. Владата проценува дека повеќе од 7 илјади државни службеници би можеле да завршат под истрага. Луѓето кои до властите ќе пријават корупција ќе бидат парично наградени доколку нивната пријава резултира со осуда за пријавениот, пишува Reuters.
„Бугарија има проблем со корупцијата. Мораме да напреднеме во борбата против корупцијата на високо ниво“, изјавила бугарската вицепремиерка Магдалена Кунева, додавајќи дека нејзината земја сака да го следи примерот на Романија, која за корупција истражи и осуди бројни угледни политичари и службеници.
Борбата против корупцијата и реформите во правосудството се најважните ветувата на премиерот Бојко Борисов, кој се врати на власт по победата на предвремените избори во октомври минатата година.
„Таа антикорупцика стратегија меѓутоа, треба да има широка политичка поддршка, како и поддршка од целиот правосуден состав. Инаку нема да има резултати“, изјавил бугарскиот политички аналитичар Даниел Смилов./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ во ОН: Курти денес не е во Њујорк оти води тајна кампања во Северна Македонија
За време на седницата на Советот за безбедност на Обединетите нации посветена на шестмесечниот извештај на генералниот секретар на ОН Антонио Гутереш за работата на УНМИК, српскиот претседател Александар Вучиќ го обвини лидерот на движењето Самоопределување, Аљбин Курти за мешање во внатрешните работи на Македонија.
Вучиќ истакна дека Курти не бил присутен на седницата во Њујорк бидејќи бил зафатен со водењето на изборната кампања на неговата партија во соседна држава.
Вучиќ изрази изненаденост од тоа што, според него, најпопуларен политичар во Македонија е претседателот на Србија, иако нема кампања во таа земја.
Тој посочи дека како претседател на Србија се извинува за постапките на, како што го нарече, српскиот граѓанин Аљбин Курти и истакна дека мешањето во внатрешните работи на Северна Македонија не е политика на Србија, туку постапка на неодговорен граѓанин.
Регион
Уапсена државјанка на Јужна Африка, осомничена дека ја убилa мајка си во Црна Гора
Јужноафриканска државјанка е уапсена под сомнение дека утрово ја убила својата мајка во Пераст.
Полициската управа соопшти дека медицинскиот персонал на Здравствениот дом во Котор пријавил во полиција дека во станбена зграда во Пераст е пронајдено безживотно тело на жена, а таму била пронајдена и нејзината ќерка Н.Л.Т., пренесува Вијести.
„Полицијата излезе на местото на настанот каде е утврден идентитетот на починатата, а преземени се мерки и дејствија за утврдување на фактите и околностите под кои настапила смртта“, се вели во соопштението на полицијата.
Оттаму додаваат дека увид на лице место е извршено во присуство на обвинител од Вишото државно обвинителство во Подгорица, како и службеник од Центарот за судска медицина.
„По преземени сеопфатни истражни дејствија, припадниците на полицијата дошле до сомнение дека сторител на ова кривично дело е Н.Л.Т. и таа е лишена од слободата.
Регион
Османи: Белград ја спречува интеграцијата на Србите во институциите на Косово
Косовската претседателка Вјоса Османи упати низа обвинувања за Србија на седницата на Советот за безбедност (СБ) на Обединетите Нации (ОН) посветена на Косово.
Османи обвини дека Белград ја спречува интеграцијата на Србите во институциите на Косово.
Таа изјави дека Србија ја заплашува српската заедница на северот на Косово, а како пример го наведе неодамнешното апсење на косовски полицајци во Србија, пренесува „Радио Слободна Европа“.
Османи обвини и оти Србија претходните денови на граница задржувала автобуси со патници од албанска националност.
Владата на Косово претходно овие постапки ги оцени како одмазда на Србија за поддршката дадена од Парламентарното собрание на Советот на Европа за членството на Косово во оваа организација.
„Србите во Косово се под притисок, но од страна на властите во Србија“, рече Османи.