Регион
Бугарија пред изборите: Со продажба на гласови до преживување
Принудена да го преживува целиот месец со плата од 340 левови (близу 170 евра), Маја Иванова е повеќе подготвена да го продаде својот глас на бугарските предвремени парламентарни извори кои ќе се одржат во неделата, пишува AFP во својата репортажа посветена на најсиромашната членка на Европската унија.
Принудена да го преживува целиот месец со плата од 340 левови (близу 170 евра), Маја Иванова е повеќе подготвена да го продаде својот глас на бугарските предвремени парламентарни извори кои ќе се одржат во неделата, пишува AFP во својата репортажа посветена на најсиромашната членка на Европската унија.
„Кој би одбил 50 лева, денеска кога бедата е толку страшна. Ма, да ми понудат и 20 би прифатлива“, вели 51-годишната Ромка во рударското место Бобов Дол која ја цитира агенцијата.
„Но на нас Ромите ни даваат само парче месо и две кришки леб. Организаторите се тие кои добиваат пари“, додава Иванова зборувајќи за традиционалното купување гласови за изборите на 5-ти октомври.
Според многуте истражувања, вклучително и владините, продажбата на гласови за пари, храна и огрев се вообичаена практика во најсиромашната земја во Европската унија, четвртина век по падот на комунизмот. А со тоа во пакет оди и заплашувањето, пишува Reuters.
Просечната месечна плата изнесува околу 400 евра, а секое петто домаќинство живее под прагот на сиромаштијата. Во неодамнешната анкета, 69 од испитаниците одговориле дека ситуацијата им е „неподнослива“.
„Луѓето не ги продаваат своите гласови од забава, тие навистина се притиснат до ѕидот“, вели Антони Галабов, од здружението за борба против корупцијата Transparency International.
„Во ромските гета, луѓето масовно зависат од локалните лихвари на кои никогаш докрај не успеваат да им го исплатат долгот. Партиите често ги контактираат за да си осигурат одреден број гласови“, појаснува Вања Нушева од Институтот за регионални и меѓународни студии (ИРИС). Институтот во својот извештај предупредува дека партиите сметаат на тие гласови и доколку некој се оглуши на тие упатства, без разлика да сли станува збор за некој кварт или фирми, бива казнет. „Фирмите добиваат санкции, на луѓето им се упатуваат закани или биваат претепувани“, се наведува во извештајот.
Повеќето луѓе кои биле изложени на вакви притисоци одбиваат да сведочат пред судот, па рацете на истражните органи се врзани, се пожали заменикот главен државен обвинител Борислав Сарафов. За продажба или купување на гласовите за Бобов Дол никој досега не е обвинет. А случајот беше јасен. Пред изборите за Европскиот парламент во мај годинава, со скриена камера на бугарската телевизија Нова снимено е како управителите им зборуваат на рударите за кого да гласаат, доколку сакаат ада го сочуваат работното место.
„Така е секогаш пред изборите.. вообичаено мамење“, вели еден од рударите, 40-годишен татко на четири деца кој од разбирлив причини во интервјуто сака да остане анонимен. Иако палтата не му се исплаќа нередовно, и ретко во целост, па храната ја купува на долг, тврди дека тој не го продава својот глас. „Секогаш истата приказна, на нашите мажи и синови на работа им велат за кого целото семејство треба да гласа“, вели во репортажата на AFP една жена интервјуирана на локалниот пазар.
Бугарската влада, која е под постојан мониторинг на Брисел поради извештаите за корупцијата во земјата, е свесна за проблемите. „Тоа не секогаш е прашање на парите“, вели секретар во министерство за внатрешни работи Румен Богоев. „Управителите, менаџерите, честопати се под притисок или уцена на политичките партии кои им говорат како нивните вработени треба да гласаат доколку и натаму сакаат да работат“.
Бугарија презема во меѓувреме превентивни мерки за справување со појавата на купување гласови. Околу илјада наводни организатори на продажбата на гласовите се под полициски надзор, а партиите пред овие избори беа принудени на изборните плакати и памфлети да го стават предупредувањето дека „продажбата на класовите е незаконска“. Дали оваа мерка ќе даде резултат, според аналитичарите, е далеку од сигурно./крај/мф/сн
Извор: AFP/Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Регион
Девојка што исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.
Регион
Во БиХ уапсени 14 шверцери, превезувале мигранти во Хрватска, заработиле 3 милиони евра
Припадниците на Граничната полиција на Босна и Херцеговина уапсија 14 лица под сомнение дека организирале мрежа на криумчари на илегални мигранти преку границата со Хрватска. Акцијата под кодното име „Пирамида“ координирана од Обвинителството на БиХ беше спроведена на 16 различни локации низ земјата.
Како што беше утврдено во досегашната истрага, уапсените организирале илегално преминување на границата на најмалку 600 лица, од кои стотина се деца.
„Според прелиминарните податоци, оваа меѓународна организирана криминална група во изминатите шест месеци остварила финансиска корист од повеќе од шест милиони конвертибилни марки (три милиони евра)“, се вели во полициското соопштение.
Разбивањето на оваа мрежа на трговци со луѓе беше спроведено заедно со Управата за криминалистичка полиција на МВР на Република Хрватска и Европол и со учество на припадници на Агенцијата за разузнавање и безбедност на Босна и Херцеговина (ОСА).
Граничната полиција на БиХ наведува дека продолжува да презема мерки за спречување на шверцот на луѓе, особено против организираните криминални групи. Потсетуваат дека во првите три месеци од годинава полициски службеници и граничари до обвинителството поднеле 83 пријави против 177 лица поради постоење основи на сомнение дека сториле 110 кривични дела криумчарење луѓе.