Регион
Бугарија сака поголемо присуство на НАТО во регионот
Бугарија сака поголемо присуство на воените сили на НАТО во југоисточна Европа и на Црното море, како и одржување на повеќе заеднички воени вежби со Алијансата, изјавил бугарскиот претседател Росен Плевнелиев во вторникот на состанокот на шефовите на земјите членки на НАТО во Варшава.
„Случувањата во Украина докажаа дека не можеме да ги земеме „здраво за готово“ мирот и безбедноста во Европа“, изјавил Плевнелиев.
Плевнелиев на состанокот предложил „зголемување на бројот на НАТО силите во југоисточна Европа и на Црното море, поголем број заеднички воени вежби, како и поактивна употреба на заедничките воени објекти во Бугарија“, пренесуваат бугарските медиуми.
Претходно, полскиот претседател Бронислав Коморовски изјавил дека присуството на НАТО во централна и источна Европа треба да биде адекватно на случувањата во Украина и дека „руско-украинскиот конфликт е најважниот безбедносен предизвик во Европа од крајот на Студената војна“.
„Трагедијата на малезискиот авион треба да не натера да бараме решенија кои ќе ја засилат безбедноста на источното крило на Европската унија и НАТО“, изјавил Коморовски, отворајќи го самитот на кој покрај Полска, учествуваат лидерите на Бугарија, Романија, Летонија, Литванија, Естонија, Словачка, Чешка и Унгарија.
Лидерите на деветте поранешни комунистички земји, сегашни членки на НАТО, се состанале за да разговараат околу одбранбената стратегија во пресрет на самитот на Алијансата во септември во Велс.
„Со особено внимание ги следиме случувањата меѓу Русија и Украина, нешто што го сфаќаме како однос помеѓу Западот и Истокот“, изјавил Коморовски, додавајќи дека „елементот на стабилизирањето на источното соседство на НАТО и ЕУ треба да биде со доследна поддршка за Украина во нејзината интеграција и реформите во земјата“, пренесува AFP.
Полскиот претседател истакнал дека за 44 дена почнува „најважниот самит на НАТО“, откако овие земји станале членки на Алијансата, и дека НАТО треба да се врати кон „обезбедувањето на капацитетите за колективната одбрана“.
Романскиот претседател Трајан Басеску, пред заминувањето за состанокот во Варшава, порачал дека Романија има осум важни теми во пресрет на септемврискиот самит на Алијансата, од кои една предвидува и редефинирање на односите меѓу НАТО и Русија./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.