Регион
Бугарија, Србија и Романија подготвени да ги затворат границите
Бугарија, Србија и Романија во саботата објавија дека ќе ги затворат своите граници доколку Германија или некоја друга држава го стори истото со цел да ги сопре бегалците и предупредија дека нема да дозволат овој балкански регион да стане тампон зона.
Бугарија, Србија и Романија во саботата објавија дека ќе ги затворат своите граници доколку Германија или некоја друга држава го стори истото со цел да ги сопре бегалците и предупредија дека нема да дозволат овој балкански регион да стане тампон зона.
Бугарскиот премиер Бојко Борисов ваквата можност ја најави по состанокот со српскиот и романскиот колега, Александар Вучиќ и Виктор Понта, кој се одржа во Софија, во пресрет на неделниот самит на лидерите на ЕУ во Брисел.
„Нашите три држави се спремни, доколку Германија и Австрија ги затворат границите, да не дозволат да станат тампон зона. Ќе бидеме подготвени да ги затвориме границите“, нагласи Борисов на прес конференцијата.
„Нема да ги изложиме нашите држави на катастрофален притисок на милиони, кои би дошле. Преку Грција и Македонија огромен бран бегалци заминуваат во нашиот сосед Србија. Проблемот со оградите во Унгарија прават еден вид на тампон. Трите држави сме подготвени, ако Германија и Австрија и други држави ги затворат границите, нема да ги оставиме државите да ни станат тампон зони, ќе бидеме подготвени на ист начин да ги затвориме нашите граници“, изјави бугарскиот премиер.
Претседателот на европската комисија Жан-Клод Јункер свика за во недела вонреден состанок на европските лидери од Австрија, Бугарија, Хрватска, Германија, Грција, Унгарија,Романија и Словенија, како и од Македонија и Србија.
Цел на мини-самитот е да се договорат „заеднички оперативни заклучоци кои би можеле веднаш да бидат спроведени“. /крај/мф/ап/
Извор: Hina/Bgnes
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Потрагата по Данка Илиќ продолжува трет ден, се проверуваат телефоните на родителите
И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување на сите факти и околности поврзани со исчезнувањето на детето
Потрагата по исчезнатото двегодишно девојче Данка Илиќ од Бањско Поље, кај Бор, продолжува трет ден, а полицијата ќе ги проверува базните станици и ќе ги прегледа мобилните телефони на родителите, за да потврди со кого биле во контакт во периодот кога девојчето исчезнало.
Продолжувањето на потрагата ќе се изврши оперативно, откако е утврдено дека девојчето не е на 10 квадратни километри од местото на исчезнувањето.
Полицијата ќе ги испрашува и луѓето кои биле во близина непосредно пред или по исчезнувањето на девојчето, со цел да се утврдат детали кои можеби биле пропуштени во текот на истрагата која е во тек.
Исчезнувањето на двегодишното девојче за првпат го активира системот „Најди ме“ во Србија кој е наменет за итно известување на јавноста во случај на исчезнување на малолетно лице.,
Данка Илиќ (2) има кафеава коса, кафеави очи и е висока околу 85 сантиметри. На денот на исчезнувањето носела виолетови панталони и јакна во маслинесто зелена боја.
Регион
„Се плашам дека е киднапирана“, рече дедото на исчезнатото девојче Данка
Дедото на исчезнатото девојче Данка Илиќ (2), кое пред повеќе од 27 часа беше изгубено во приградската населба Бањско поле во околината на Бор, за телевизија Блиц изјави дека „низ главата му поминува можноста детето да е киднапирано“.
„Се уште се надевам дека е жива, но неверојатно е никој да не може да ја најде меѓу толку луѓе. Само една опција ми паѓа на ум, дека е киднапирана. Но, не можам да тврдам. Жандармерија, дронови, хеликоптери, цела Србија беше тука и сите ја бараа. Луѓето беа на еден метар еден од друг и никој не може да ја најде“, изјави Милан Илиќ.
Тој рече и дека го плаши фактот што бугарската граница е блиску.
„До бугарската граница преку новиот пат се стигнува за 45 минути, најмногу еден час. Не е точно дека се потребни пет часа, како што кажа некој утринава на телевизија. Кладово е веќе многу подалеку, оддалечено е 150 километри, но Бугарија е многу блиску“, рече тој.
Регион
Полицијата го прекина пребарувањето на теренот: „Јасно е дека Данка не е на ова подрачје“
Припадниците на српската полиција по 27 часа детално пребарување на теренот во потрага по двегодишната Данка Илиќ во приградската населба Бањско Поље и Брестовачка бања, ги прекинаа понатамошните претреси, со оглед дека сите досегашни резултати укажуваат дека девојчето не е на овој простор од околу 10 квадратни километри, пренесува српски Телеграф.
Полицијата продолжува со интензивна оперативна работа за утврдување на сите факти и околности поврзани со исчезнувањето на детето, за што јавноста ќе биде навремено информирана, соопшти полицијата.
Според неофицијални информации на порталот Нова.рс, српската полиција има индиции кои ја одвеле истрагата надвор од местото на исчезнувањето на девојчето, а кон тие траги се упатени полициските единици.