Регион
Церар: Нема веќе балканска рута за илегалните мигранти
Балканската рута повеќе не постои, а Словенија во иднина ќе ги пропушта само оние лица кои ги имаат неопходните документи за влез во Шенген зоната, изјавил словенечкиот премиер Миро Церар по завршувањето на самитот на ЕУ за мигрантската криза, пренесува Hina.
„Самитот испрати доста јасна порака кон сите оние кои ги криумчарат бегалците и илегалните мигранти, а тоа е дека балканската рута повеќе не постои“, рекол Церар по завршувањето на состанокот на европските лидери во Брисел.
Во официјалните заклучоци на европските лидери е наведено дека „незаконските текови на мигрантите завршуваат“, додека предлог заклучокот дека „балканската рута е затворена“, за кој се залагаше Словенија, е изземен. Словенечкиот премиер сепак потоа изјавил дека смислата на закучоците за кои сите се сложиле на крајот е иста.
„Навистина, заклучокот е преформулиран, но смислата сѐ уште е иста, балканска рута за миграција веќе нема“, рекол Церар.
Според него, ова значи дека сите држави кои се на патот на миграцијата во иднина таквите лица ќе го одбиваат како „нерегуларни“, а Словенија веќе од вторник или среда целоно ќе ги применува шенгенските правила при одобрувањето на влез во земјата, што значи дека тие мора да ги имаат потребните документи за влез во Шенген зоната.
Доколку во Словенија се затече некој странски државјанин кој бара азил, тогаш ќе се почитуваат новите правила во однос на оние кои бараат меѓународна заштита и ќе се почитуваат европските стандарди и соодветната процедура која проценува дали лицето исполнува услови за азил, додал Церар./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Потрагата по Данка Илиќ продолжува трет ден, се проверуваат телефоните на родителите
И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување на сите факти и околности поврзани со исчезнувањето на детето
Потрагата по исчезнатото двегодишно девојче Данка Илиќ од Бањско Поље, кај Бор, продолжува трет ден, а полицијата ќе ги проверува базните станици и ќе ги прегледа мобилните телефони на родителите, за да потврди со кого биле во контакт во периодот кога девојчето исчезнало.
Продолжувањето на потрагата ќе се изврши оперативно, откако е утврдено дека девојчето не е на 10 квадратни километри од местото на исчезнувањето.
Полицијата ќе ги испрашува и луѓето кои биле во близина непосредно пред или по исчезнувањето на девојчето, со цел да се утврдат детали кои можеби биле пропуштени во текот на истрагата која е во тек.
Исчезнувањето на двегодишното девојче за првпат го активира системот „Најди ме“ во Србија кој е наменет за итно известување на јавноста во случај на исчезнување на малолетно лице.,
Данка Илиќ (2) има кафеава коса, кафеави очи и е висока околу 85 сантиметри. На денот на исчезнувањето носела виолетови панталони и јакна во маслинесто зелена боја.
Регион
„Се плашам дека е киднапирана“, рече дедото на исчезнатото девојче Данка
Дедото на исчезнатото девојче Данка Илиќ (2), кое пред повеќе од 27 часа беше изгубено во приградската населба Бањско поле во околината на Бор, за телевизија Блиц изјави дека „низ главата му поминува можноста детето да е киднапирано“.
„Се уште се надевам дека е жива, но неверојатно е никој да не може да ја најде меѓу толку луѓе. Само една опција ми паѓа на ум, дека е киднапирана. Но, не можам да тврдам. Жандармерија, дронови, хеликоптери, цела Србија беше тука и сите ја бараа. Луѓето беа на еден метар еден од друг и никој не може да ја најде“, изјави Милан Илиќ.
Тој рече и дека го плаши фактот што бугарската граница е блиску.
„До бугарската граница преку новиот пат се стигнува за 45 минути, најмногу еден час. Не е точно дека се потребни пет часа, како што кажа некој утринава на телевизија. Кладово е веќе многу подалеку, оддалечено е 150 километри, но Бугарија е многу блиску“, рече тој.
Регион
Полицијата го прекина пребарувањето на теренот: „Јасно е дека Данка не е на ова подрачје“
Припадниците на српската полиција по 27 часа детално пребарување на теренот во потрага по двегодишната Данка Илиќ во приградската населба Бањско Поље и Брестовачка бања, ги прекинаа понатамошните претреси, со оглед дека сите досегашни резултати укажуваат дека девојчето не е на овој простор од околу 10 квадратни километри, пренесува српски Телеграф.
Полицијата продолжува со интензивна оперативна работа за утврдување на сите факти и околности поврзани со исчезнувањето на детето, за што јавноста ќе биде навремено информирана, соопшти полицијата.
Според неофицијални информации на порталот Нова.рс, српската полиција има индиции кои ја одвеле истрагата надвор од местото на исчезнувањето на девојчето, а кон тие траги се упатени полициските единици.