Регион
Ципрас: Договорот со еврозоната е „нов лист“ за Грција
Договорот кој беше постигнат со еврозоната за продолжувањето на финансиската помош за Грција ќе и овозможи на земјта да сврти „нов лист“ после шест години криза, оценил во Атина грчкиот премиер Алексис Ципрас, пренесуваат грчките медиуми.
Договорот кој беше постигнат со еврозоната за продолжувањето на финансиската помош за Грција ќе и овозможи на земјта да сврти „нов лист“ после шест години криза, оценил во Атина грчкиот премиер Алексис Ципрас, пренесуваат грчките медиуми.
„За првпат имаме добри вести“, рекол Ципрас на седница на владата по состанокот во Брисел. Министрите за финансии на еврозоната во Брисел ги започнаа разговорите околу начинот за олеснувањето на должничкиот товар на Грција и изразија надеж дека за ова ќе биде постигнат договор до крајот на месецот, со што земјата би ја добила ветената финансиска помош.
Министрите на еврозоната ова прашање го покренаа за првпат од одобрувањето на третиот пакет на помош за Грција минатата година. „Одлуката во Брисел отвора пат кон добивање на наредната транша на помош“, рекол Ципрас и додал дека Грција очекува помош од 5,4 милијарди евра.
Германскиот министер за финансии Волфганг Шојбле во вторникот во Брисел изјавил дека неопходна е прелиминарна проценка за одржливоста на долгот на Грција, кој изнесува скоро 180 проценти од нејзиниот бруто домашен производ, што е рекордно за една земја членка на ЕУ.
Меѓународниот монетарен фонд (ММФ), како еден од кредиторите начелно ги поддржува мерките за олеснувањето на долгот. Грција по напнатите преговори со кредиторите, за време на кои беше на работ на финанска криза и излез од еврозоната, во јули 2015-та го доби третиот пакет на помош, но под услов да ги спроведе дополнителните мерки за штедење, економските реформи и приватизацијата на јавниот сектор.
Грчкиот Парламент, пак, во неделата вечерта ги изгласа законите за реформите на пензискиот систем и за повисоките годинешни даноци. Ова беше побарано од страна на кредиторите ЕУ и ММФ, кои минатата година одлучија на Грција да и помогнат со 86 милијарди евра во наредните три години, за земјата да може да ги врати долговите./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Девојка која исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.
Регион
Во БиХ уапсени 14 криумчари, превезувале мигранти во Хрватска, заработиле 3 милиони евра
Припадниците на Граничната полиција на Босна и Херцеговина уапсија 14 лица под сомнение дека организирале мрежа на криумчари на илегални мигранти преку границата со Хрватска. Акцијата под кодното име „Пирамида“ координирана од Обвинителството на БиХ беше спроведена на 16 различни локации низ земјата.
Како што беше утврдено во досегашната истрага, уапсените организирале илегално преминување на границата на најмалку 600 лица, од кои стотина се деца.
„Според прелиминарните податоци, оваа меѓународна организирана криминална група во изминатите шест месеци остварила финансиска корист од повеќе од шест милиони конвертибилни марки (три милиони евра)“, се вели во полициското соопштение.
Разбивањето на оваа мрежа на трговци со луѓе беше спроведено заедно со Управата за криминалистичка полиција на МВР на Република Хрватска и Европол и со учество на припадници на Агенцијата за разузнавање и безбедност на Босна и Херцеговина (ОСА).
Граничната полиција на БиХ наведува дека продолжува да презема мерки за спречување на шверцот на луѓе, особено против организираните криминални групи. Потсетуваат дека во првите три месеци од годинава полициски службеници и граничари до обвинителството поднеле 83 пријави против 177 лица поради постоење основи на сомнение дека сториле 110 кривични дела криумчарење луѓе.
Регион
За европските избори во Хрватска беа пријавени 25 листи, осум помалку од 2019 година
Државната изборна комисија (ДИК) до крајниот рок доби 25 кандидатски листи за европските избори во Хрватска, што е за осум помалку од 2019 година.
Во недела на 9 јуни ќе се одржат избори за Европскиот парламент во Хрватска, а ќе се изберат 12 европратеници со мандат од пет години.
Со поднесување на списокот и официјално започнува изборната кампања која ќе трае до 7 јуни кога ќе започне изборниот молк.
Европските избори во Хрватска се втор изборен циклус годинава, по парламентарните избори одржани на 17 април, а на крајот на годината ќе се одржат и претседателските избори.