Регион
Ципрас: Посетата на Москва е нова етапа во односите меѓу двете земји
Грчкиот премиер Алексис Ципрас оценил дека неговата посета на Москва ќе овозможи поставување на „нова основа“ во односите меѓу двете земји.
Ципрас во среда во Москва ќе има разговори со рускиот претседател Владимир Путин, премиерот Димитри Медведев, рускиот патријарх Кирил, а ќе одржи и предавање на Московскиот универзитет.
„Посетата е шанса односите навистина да се „рестартираат“, да им се даде нов поттик. Односите меѓу Грција и Русија имаат длабоки корени во историјата, а тие се изградени низ заедничката борба на нашите народи“, изјавил Ципрас во интервју за руската агенција Тас. Според него, во претходните години, односите меѓу двете страни биле замрзнати.
„Не знам дали тоа личи на сибирска зима, но тоа сепак беше зима во односите и сега доаѓа пролет. Должни сме тоа да го поддржиме, за да постигнеме реален развој на нашите односи“, додал грчкиот премиер.
Ципрас оценил дека двете земји се наоѓаат во геополитичка состојба со посебна напнатост, имаат заеднички предизвици и треба да се види како ќе се справат со нив. Грчкиот премиер исто така додал дека сега треба да се види како соработката меѓу Грција и Русија може да биде конструктивна, бидејќи Грција, како членка на ЕУ, може да биде мост кој ќе ги поврзува Западот и Русија.
Ципрас истакнал дека Грција не се согласува со санкциите кои Западот и ги наметна на Русија и смета дека тоа е „пат кој не види никаде“.
„Вие знаете дека на нашите односи во претходните години и беа зададени удари од поранешните власти во мојата земја, кои не го направија тоа што можеа за да ја избегнат оваа бесмислена политика на санкции, во екот на украинската криза“, навел Ципрас, додавајќи дека резултатот на ова била и забраната на извоз од земјоделски производи од Грција во Русија, што сериозно и наштети на грчката економија.
Грчкиот премиер додал и дека победата над фашизмот мора да се слави за да се зачува сеќавањето на хероите и извлечените поуки од тој период. Според Ципрас, 70-годишнината од победата над фашизмот е важен датум, како за Русија, така и за Грција.
„Тоа е наша борба против тоталитарзимот, идеологијата на омразата, расизмот и национализмот. Сега е потребно да се формира заеднички фронт против подемот на фашизмот. Во Грција, која меѓу првите се бореше против нацизмот, за жал во последните неколку години се засилија расистичките сили и една ултрадесничарска партија влезе во грчкиот парламент, каде има солиден број на мандати“, укажал Ципрас./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.